Sega ndryshon fytyrën e personazhit në Judgement pas arrestimit të aktorit

Sega e ka hequr literalisht nga loja aktorin Pierre Taki nga videoloja Judgement, duke zëvendësuar zërin dhe pamjen e tij me atë të një performuesi të ri. Taki ka qenë aktori që portretizonte Kyohei Hamura, por në një update nga zhvilluesi i lojës Ryu Ga Gotoku Studio, personazhi tani ka një pamje të re.

Zhvendosja e Taki nga Judgement erdhi si pasojë e arrestimit të aktorit/muzikantit për dyshim të përdorimit të kokainës. Sipas policisë, rezultatet e Taki dolën pozitive. Mbajtja ose përdorimi i kokainës në Japoni mund të të kushtojë deri në shtatë vite burg. Gjithsesi arrestime të tilla gjithashtu kanë tendencën ti japin fund karrierës së dikujt. Në rastin e Taki, zëri i tij u hoq edhe nga Sega edhe nga Square Enix përkatësisht për Judgement dhe Kingdom Hearts 3. Sony Music gjithashtu prishi kontratën me bandën e tij, Denki Groove pas arrestimit.

Sega nuk ka njoftuar se kush do ta zëvendësojë Taki në versionin e update-uar të Judgement, por më poshtë mund të shihni pamjen e re të personazhit.

Judgement, spinoffi i serive të Yakuza do të vijë në 25 qershor për PlayStation 4.