Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Tensionet në rritje mes Iranit dhe Shteteve të Bashkuara, kanë sjellë që League of Legends të bllokohet për lojtarët e Iranit dhe Sirisë. Që nga data 22 qershor, lojtarët që kanë tentuar të futen në lojë, janë përballur me një mesazh që tregonte se për shkak të ligjeve dhe rregullave të SHBA, Riot parandalohej që ta operonte lojën në ato vende.
Që gushtin e vitit të shuar SHBA ka imponuar një taksë embargoje ndaj Iranit, por tensionet mes dy vendeve janë rritur shumë javët e fundit. SHBA ka akuzuar Iranin se ka orkestruar sulme mbi të dhe forcat Iraniane qëlluan një dron ushtarak amerikan pak më parë gjatë kësaj jave.
Tani SHBA ka ndaluar kompanitë amerikane që të bëjnë biznes me Iranin dhe vende të tjera aleate me të si Siria. Kjo përfshin edhe lojën League of Legends.
Mesazhi i plotë, sipas raportimimeve nga lojtarët Iranianë lexon: “Për shkak të ligjeve dhe rregullores së SHBA, lojtarët në vendin tuaj nuk mund ta aksesojnë League of Legends . Kufizime të tilla janë vendosur përkohësisht nga qeveria e SHBA, ndaj nëse do të ndodhin ndryshime, do të jemi të lumtur t’ju mirëpresim prapë mes nesh.”
Lojtarët në Siri dhe Iran mund ta shmangin këtë masë qeveritare duke përdorur VPN, që shumë lojtarë tashmë e bëjnë për të luajtur lojëra që nuk ndodhen në rajonin e tyre. Gjithsesi përdorimi i VPN sjell shumë vonesa në lojë, ndaj kjo nuk është situata më ideale për lojtarët.
Duke qenë se ky vendim vjen drejtpërsëdrejti nga qeveria amerikane, nuk ka asgjë që Riot mund të bëjë për ta ndryshuar, përveçse të shpresojë që konflikti të mbyllet shpejt dhe në mënyrë paqësore.
