Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Menjëherë pas zbulimit zyrtar të konsolës së PlayStation 5, një anëtar i Sony është shprehur se konsola do të ketë veçori “surprizuese” që lojtarët nuk do i presin.
Pas muajve pritje, Sony më në fund zbuloi pamjen e PS5 në 11 qershor. Teksa dizajni i hardware-it i habiti fansat, një përfaqësues i kompanisë thotë se ka më shumë për të se çfarë sheh syri.
Kreu i marketingut të PlayStation, Eric Lempel, e pasoi eventin me një intervistë, ku detajoi mendimet e tij për dizajnin futuristik të konsolës. Ai gjithashtu tha se ka veçori të tjera që ende nuk i kemi parë.
“Sado që mendoj se të gjithë u kënaqëm duke e parë konsolën sot, me të gjitha pamjet që u treguan gjatë shfaqjes, kur e sheh vetë përballë, ka shumë veçori surprizuese. Është një mrekulli,” tha ai.
“Është diçka komplet ndryshe nga çfarë kemi bërë më parë, por është diçka e veçantë. Kjo është një copëz hardware që realisht përfaqëson botët e ndryshme ku ju do të futeni me lojërat që luani teksa e përdorni.”
Lançimi i PS5 duket se më në fund po merr një formë të mirë. Që nga Spider-Man: Miles Morales, e deri në Demon Souls Remake, gjenerata e ardhshme e gaming është thuajse këtu.
Momentalisht konsola nuk ka një datë fikse lançimi, por Sony thotë se ajo do të vijë në raftet e dyqaneve në fundin e 2020s.
