Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Në prezantimin e tij në E3, Sony na tregoi një inovacion të PS4 të quajtur PlayLink, e cila të lejon të lidhësh telefonat dhe tabletat me konsolën dhe t’i përdorësh si kontroller për një sasi lojërash.
PlayLink nuk është krijuar që ta shndërroni telefonin tuaj në një zëvendësim për një kontroller DualShock 4. Në vend të saj ju do të keni mundësinë të lexoni informacion për karakterin tuaj në një kartë loje, ta përdorni kamerën për t’i bërë foto miqve tuaj dhe t’i integroni ata me mjediset e lojës dhe t’i përgjigjeni pyetjeve kuiz pa i treguar përgjigjet miqve tuaj ndërkohë që aksioni shpaloset në ekranin tuaj.
Mund të shihni një shembull të kësaj në That’s You!, një lojë grupi e bazuar në kuiz që të ndihmon t’i njohësh miqtë e tu më mirë me anë të disa pyetjeve të çmendura dhe të çuditshme.
Loja për të cilën jemi më shumë të ekzaltuar është Hidden Agenda, një co-op thriller detektivësh që të detyron të bësh zgjedhje të vështira ndërkohë që përpiqesh të zgjidhësh një çështje kriminale me deri në pesë miq. Ju merrni rolet e një detektivi dhe një avokati me qëllimin për të ndaluar një vrasës serial që lëshon kurthe për të vrarë ata që ndodhen të parët në skena krimi.
Është gjithashtu dhe SingStar Celebration, që të lejon ta përdorësh telefonin si mikrofon për të kënduar këngë klasike dhe festive me shokët e tu.
Është bukur të shohësh Sony teksa përpiqet të sjellë një dimension të ri në gameplay, sidomos nga ai lloj që lejon njerëzit të kënaqen duke qenë në një dhomë sëbashku. Të gjithëve na pëlqen ajo lloj eksperience sociale, prandaj mezi po presim për ta provuar.
That’s You! do të jetë loja e parë e PlayLink që do të jetë e vlefshme; do të mbërrij në 4 Korrik dhe nuk do t’iu kushtojë asgjë. Lojërat e tjera do të lëshohen në muajt e ardhshëm të këtij viti.
