PewDiePie mendon se strategjia e Marvel për Spoilerat e Avengers:Endgame është budallik

Të gjithë këtu e dimë shumë mirë se spoilerat e Avengers: Endgame kanë shkatërruar shumë miqësi, na kanë bërë të urrejmë përkohësisht faqet e memeve (@plnkmani) dhe gjithashtu kanë sjellë konflikte fizike. Të gjitha këto mëse të arsyetueshme nëse dikush vendos ti bëjë spoil një prej filmave më të mëdhenj të vitit. Gjithsesi tani që vala e madhe e Avengers: Endgame ka mbaruar dhe shumica që ishin nisur për ta mbarë kanë mbyllur punë, vetë PewDiePie vendosi të jepte mendimin e tij rreth kësaj tematike.

Nëse keni instagram dhe keni ndjekur Marvel ose ndonjë nga yjet e tij duhet të jeni në dijeni të nismës #Don’tSpoilTheEndgame. Sidoqoftë sipas PewDiePie kjo ishte një ide idiote, jo për pjesën e moralit, pasi ajo ishte realisht e admirueshme, por për pjesën që nëse i thua internetit mos e bëj diçka, kjo është pikërisht çfarë interneti do bëjë. Jo vetëm interneti në fakt, ky është si një ligj universal i qënies njerëzore.

Dhe në fakt kjo është pikërisht ajo që ndodhi. Në asnjë film më parë nuk ka ndodhur që të hasesh me kaq shumë spoilera.

“Të gjithë thjesht po sillen si budallenj” tha PewDiePie për fushatën anti-spoiler. “Nëse do të parandalosh diçka nuk mund thjesht të thuash ‘mos e bëj’ sepse thjesht do nxisi njerëzit ta bëjnë.”

Nuk e dimë se sa ka funksionuar kjo fushatë, por gjasat janë që jo. Unë të paktën bëra maksimumin për ti shmangur spoilerat, por ishin literalisht kudo. Gjithsesi filmi mbetej fantastik, mund madje të themi që e duam 3000 Avengers: Endgame (if you know, you know).