Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Juventus nuk do të shfaqet në FIFA 20. Kjo pasi Pro Evolution Soccer siguroi një marrëveshje shumë fitimprurëse me kampionët e Serisë A. Që nga ajo pikë, aksionet e EA kanë rënë me mbi $800,000.
Ishte Konami ai që arriti ta realizonte këtë marrveshje ekskluzive me Juventus dhe të gjithë e dimë se çfarë do të thotë kjo për FIFA 20. Logoja e e ekipit dhe paketat e tyre nuk do të shfaqen më në FIFA 20.
Si pasojë e këtij vendimi, zhvilluesi i FIFA, Electronic Arts pa një rënie të madhe në aksionet e tij, duke i kushtuar kompanisë plot $823,462 mbrëmjen e së mërkurës.
Vlera totale e EA pati një rënie në $27.57 miliard nga $28.40 miliard që ishte një ditë përpara këtij njoftimi se Juventus do të ishte ekskluziv i PES.
Si rezultat i kësaj marrveshjeje EA konfirmoi se Juventus do të riemërtohej si “Piemonte Calcio”, me një logo të veçantë të krijuar posaçërisht për skuadrën. Edhe pse FIFA nuk do të ketë ekipin, ajo do të ketë gjithsesi futbollistët, pasi ata nuk janë ndikuar nga marrëveshja me PES.
Pra, emra popullorë për lojtarët e Ultimate Team si Cristiano Ronaldo dhe Paulo Dybala do të jenë ende pjesë e lojës në FIFA 20, edhe pse Juventus thotë në deklaratën zyrtare se lojtarët në PES kanë kaluar një skanim të plotë 3D të trupit, për t’i rikrijuar ata në mënyrë sa më të saktë brenda lojës.
Edhe Allianz Stadium nuk do të duket në FIFAn e ardhshme. Është hera e parë në 25 vite që FIFA nuk ka liçensën për të patur Juventusin në lojë. Gjigandët italianë quhen PM Black White në PES 2019.
Gjithsesi EA njoftoi një marrveshje me Liverpool që të sjellë më shumë kontent për FIFA 20, ndaj nuk do të thonim që është edhe aq keq.
