Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ora do të ketë Wear OS dhe Qualcomm Snapdragon Wear 3100 chipset
Puma do të sjellë orën e saj të parë smartwatch në IFA 2019 këtë javë. Brandi sportiv ka bashkëpunuar me Fossil Group përgjatë 12 muajve të fundit për ta sjellë këtë produkt, i cili fuqizohet me Wear OS dhe Qualcomm Snapdragon Wear 3100 chipset.
Puma smartwatch do të përfshijë një display të rrumbullakët 1.19-inch, e vendosur brenda një rripi prej najloni dhe një kasë alumini 44mm. Puma e ka sjellë këtë produkt kryesisht për fansat e sporteve, ndaj ajo do të jetë kundra ujit dhe do ketë një preshë prej 27 g falë dizajnit të saj që i redukton masën.
Kjo smartwatch do të përfshijë 4GB storage dhe 512 MB RAM, që është pak a shumë standarti për të gjitha orat Wear OS. Meqë kjo e fundit ka Snapdragon Wear 3100 chipset, Puma premton mbi 24 orë bateri. Duke qenë se ka sistemin Wear OS mund të prisni tiparet e zakonshme si monitorimi i rrahjeve të zemrës, të dhënat e fitnesit, Google Assistant etj.
Puma ka eksperimentuar me produkte teknologjike gjatë viteve të fundit, mbi të gjitha pasi lançoi atletet e para ‘self-lacing’ në 2016n. Kompania zbuloi edhe atletet 1986 RS-Computer vitin e shkuar, që vinin me një port USB për të karikuar dhe me Bluetooth për ti lidhur këpucët me telefonin.
Puma ka në plan ta sjellë këtë orë në nëntor. Ajo do të jetë e disponueshme në ngjyrë të zezë, të bardhë dhe neoni për një çmim prej $275. Duhet ta pranojmë, çmimi nuk është i keq dhe ai versioni i zi i orës ta bën me sy që nga fotot.
