Nvidia zbulon se lojtarët me më shumë FPS kanë K/D më të mirë

Sipas këtij studimi, 240 fps janë më mirë se 144 fps

Vetëm pak njerëz nuk do ta pranonin se të luash lojëra me 60 fps është më mirë se me 30 fps, por a është kjo gjë e vërtetë dhe për FPS më të larta? Po kur vjen puna tek 240 fps vs 144 fps, a ka rëndësi? Sipas Nvidia, mesa duket po, sidomos kur përdor një monitor të mirë gaming dhe një GPU të fuqishme.

Nvidia ka disa muaj që përpiqet ta provojë këtë gjë dhe studimi i fundit tregon një lidhje midis FPS më të lartë dhe raporteve kill/death. Hidhini një sy:

Grafiku i mësipërm shfaq të dhënat që Nvidia mblodhi nga një studim më herët këtë vit. Mund të shihet se K/D rritet me 90% kur kalon nga 60 fps në 180 fps.

“Në vetvete, lidhja nuk tregon një shkak, por kur vendoset në kontekstin e përparësive të FPS të lartë, siç është qartësia e animations, ulja e ghosting dhe tearing dhe më pak vonesë në sistem, ky raport pozitiv në grafik ka kuptim,” – shpjegon Nvidia.

Artikulli i referuar jep më shumë detaje për ndryshimin midis refresh rate (e matur në Hz) dhe framerates (e matur në FPS), si ulet ghosting me FPS më të lartë, çfarë efekti ka FPS më i lartë në vonesë dhe disa gjëra të tjera. Është padyshim mjaft interesant.

Nuk është çudi që një studim i Nvidia do të zbulonte disa përparësi të luajtjes së lojërave me FPS të lartë, duke qënë se kjo është fusha ku Nvidia operon dhe ata fitojnë para nga shitjet e GPU-ve dhe monitorave G-Sync. Gjithsesi, kjo nuk do të thotë se Nvidia e ka gabim.

“Për shumë kohë, lojtarët profesionistë të esports kanë përdorur hardware që i lejon framerate shumë të lartë si 144 fps ose 240 fps, duke përdorur dhe monitora me refresh rate të lartë. Në fakt, ProSettings.net dhe BattleRoyaleSettings.com raportojnë se 99% e lojtarëve profesionistë të battle royale (Fortnite, PUBG, Apex Legends) përdorin monitora 144Hz e sipër, ndërkohë që 30% përdorin monitora 240Hz.” – tha Nvidia në mars.