Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Prova që gjithmonë mund ti ndreqësh gabimet e tua.
Në terma të lançimeve më të keqia të kësaj gjenerate, të vetmet lojëra që i japin No Man’s Sky një mundësi për të patur sadopak fitime janë Star Wars Battlefront II dhe ndoshta Fallout 76. No Man’s Sky jo vetëm që u zhyt në kontradita kur u lançua verën e 2016s, por mori shumë reagime negative, padi dhe në një pikë edhe përforcimet ligjore i trokitën në derë. Të thuash që ishte një rrëmujë është pak. Gjithsesi ja ku jemi tani, tre vite më vonë dhe No Man’s Sky e ka kthyer situatën në favorin e saj.
Askush nuk do e harrojë lançimin e No Man’s Sky, por njerëzit e kanë falur lojën falë mbështeties nga skuadra e vogël, por pasionante në UK, Hello Games. E drejtuar nga Sean Murray, vetë krijuesi i lojës, No Man’s Sky jo vetëm që përflitet me pozitivitet në ditët e sotme, por përdoret edhe si referencë se si mund ta kthesh përmbys situatën dhe të ringrihesh në këmbë pas një lançimi problematik.
Me reputacionin e tij të ri Murray iu kërkua që të mbante një panel në GDC për të folur për zhvillimin e lojës së tij dhe mbi të gjitha për rikthimin në këmbë të saj. Krahas së dhënurit shumë informacione të brendshme dhe interesante, Murray zbuloi se No Man’s Sky është një nga lojërat IP më të shitura të të gjitha kohërave.
“No Man’s Sky edhe kur u lançua edhe vite më vonë ka shitur mjat mirë. Ka arritur madje të jetë një nga lojërat IP më të shitura të të gjitha lojërave.” Është shprehur ai.
Murray vazhdoi të thotë se edhe në ditët e sotme loja po shet me një ritëm që shumica e lojërave AAA do të ishin të lumtura të arrinin në lançim, duke nënkuptuar se update-et e mëdha dhe i gjithë shtypi pozitiv e kanë ndihmuar shumë. Pikërisht këtu është pjesa interesante. Dihej që loja fillimisht shiti me miliona kopje, por rë mendosh që një nga lojërat më kontradiktore të të gjitha kohërave vazhdon të shesë mirë edhe pas lançimit është çmenduri.
No Man’s Sky është e disponueshme për PS4, Xbox One dhe PC.
