Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Geneshift është e dhjeta në lojërat më të luajtura në Steam
Nëse i hidhni një sy lojërave më të luajtura në Steam, nuk do të habiteni të shihni një sërë emrash të njohur si PUBG, Dota 2 ose Counter-Strike: Global Offensive. Nëse shikoni pak më poshtë do të vini re lojën e frymëzuar nga GTA të quajtur Geneshift.
Geneshift është një top-down shooter e krijuar në hapat e Grand Theft Auto 2 nga një zhvillues i vetëm i quajtur Ben Johnson. Johnson filloi punën me projektin e tij teksa udhëtonte përqark globit dhe pas nëntë vitesh punë loja mori formën ku është sot.
Johnson i shtoi edhe një mode battle-royale lojës dhe e publikoi krijimin e tij në Reddit, duke e lënë falas për një periudhë të limituar kohore. Postimi i tij u përhap aq shpejt, sa që arriti të mblidhte 65.8K vota pozitive.
Vetë Ben ishte i habitur të shikonte se sa shumë lojëtarë papritur kishin nisur ta luanin lojën. Geneshift për momentin është e dhjeta në pozicionimin e lojërave më të luajtura në Steam, me rreth 213,182 lojtarë.
Si duket Geneshift ende i lejonte lojtarët të fitonin Steam Trading Cards, diçka që është e pazakontë në lojërat falas. Nuk u desh shumë kohë përpara se Valve të vërente aktivitetin e çuditshëm dhe ti çaktivizonte këto në Geneshift dhe Sins of a Solar Empire.
Normalisht që disa lojtarëve nuk ju pëlqeu kjo dhe lanë disa komente negative, por ky është një çmim i vogël që duhet paguar si rezultat i marrjes së një vëmendjeje kaq të madhe për një periudhë kaq të shkurtër kohore.
