Ninja beson se streaming është arsyeja që “të gjithë e urrejnë”

Që të jesh një streamer i madh duhet të kesh parasysh të gjitha të mirat dhe të këqiat që vijnë me të. Duket se në ditët e hershme të karrierës së tij Ninja e mësoi këtë në mënyrën e vështirë. E dimë që Ninja kaloi në Mixer para pak muajsh prej toksicitetit që po përjetonte në Twitch, por duket se të njejtat nivele toksiciteti vijnë edhe nga disa prej streamer-ave më të mëdhenj.

Sipas Ninja, i cili ishte duke biseduar me SypherPK, JordanFisher dhe Reverse2K në stream-in e tij dje, ai u shpreh se gjithmonë është urryer nga një pjesë e madhe e komunitetit të Twitch. Ninja tha se vetëm tani është në gjendje që ta vlerësojë chat-in e tij në mënyrën e duhur.

“E dua chat-in tim,” thotë Ninja. “Mendoj se më në fund chat-i im po evoluon në një chat tamam. E ke parasysh? Në dallim me çfarë ishte kur fillova në fillim që ishte si: ‘Ninja luaj me mua, Ninja’. Tani ka evoluar vërtetë dhe jam i emocionuar.”

“Degjo, gjatë gjithë jetës time të gjithë më kanë urryer. Që nga chat-i i Doc, te i Summit te i Shroud. Herën e parë që luajta me Shroud, u sigurova që të isha sa më pak Ninja që të mundesha. Duke ditur që ai ishte shumë më i madh se unë. Luajtëm PUBG për gjashtë orë rresht dhe thjesht po kapnim vrasje.”

“Ishim duke kapur diku te 15 kills për çdo lojë dhe më pas shikoj chat-in e tij pasi Shroud vdiq. Unë vrava nja pesë tipa, fitova lojën dhe komentet thjesht thonin: ‘E urrej kaq shumë Ninja’. Unë që thjesht pyes veten çfarë dreqin po ndodh?”

Mund ta shikoni momentin kur Ninja flet për këtë valë toksiciteti në klipi e mëposhtëm te 5 orë dhe 28 minuta.

Ninja përgjithësisht ka qenë i heshtur dhe nuk ka komentuar shumë për lëvizjen e tij nga Twitch në Mixer, sado që gruaja e tij, Jessica tregoi pak informacion për këtë javën e shkuar. Ajo citoi elementët e toksicitetit, kontratën kufizuese dhe negociatat e vështira si arsyet kryesore të zhvendosjes së tij.