Modern Warfare 2: ish-zhvilluesi hedh shenja drejt një Remaster

Loja duket tashmë një mundësi e vërtetë

Robert Bowling, një ish-zhvillues i Infinity Ward duket se po hedh shenja drejt Modern Warfare 2 Remaster në tweet-et e tij të fundit. Ka pasur zëra të shumtë në të shkuarën për një remaster të Modern Warfare 2, por asnjëra nuk dukej si e vërtetë. Megjithatë, shumë fansa të Call of Duty besojnë se loja e ardhshme do të jetë Modern Warfare 2, sidomos pas shenjave të shumta nga ana e Bowling.

Gjatë javëve të fundit, Bowling ka hedhur në Twitter video dhe imazhe të lidhura me serinë Modern Warfare dhe CoD: Modern Warfare 2, duke i bërë njerëzit të besojnë se Modern Warfare 2 Remastered është shumë pranë lançimit.

Në Twitter, ai ka hedhur imazhe të personazheve të Operation Kingfish, videon e vdekjes së Ghost, Bowling në atë çka duket si dhoma e produksionit të lojës së ardhshme të Call of Duty dhe fotoja e tij e fundit tregon atë duke qëndruar para një statuje të Ghost nga Call of Duty: Modern Warfare 2.

Edhe pse duket si diçka vërtet interesante, duhet patur parasysh se Bowling nuk punon më për Infinity Ward dhe se ai thjesht po bën troll fansat. Megjithatë, duke parë se Activision dhe Infinity Ward ende nuk e kanë zyrtarizuar titullin e Call of Duty 2019, MW2 Remaster ende mundëson si një mundësi. Gjithashtu, mundet që ata të lançojnë Modern Warfare 4 së bashku me Modern Warfare 2 Remaster, siç bënë me Infinity Warfare dhe Modern Warfare Remaster.