Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Project Bonaire i Rockstar tërhoqi interesin e të dy fansave dhe të Red Dead Redemption dhe të Bully 2. Tani duket se misteri mbi Bonaire është thelluar edhe më shumë nga çfarë mund të prisnim.
Bonaire u dëgjua fillimisht në 21 gusht, pasi IARC refuzoi ta klasifikonte këtë projekt të Rockstar sepse përmbante elementë të dhunës dhe kontent seksual. Më vonë një leaker deklaroi se në fakt Bonaire ishte një version PC i Red Dead Redemption 2. Gjithsesi misteri u bë edhe më interesant pasi dikush nga subreddit-i i Bully 2 i dërgoi një email të drejtpërdrejtë bordit.
Në 13 shtator një screenshot i një emaili nga ana e IARC u postua në Reddit, pasi përdoruesi kishte kërkuar për informacion mbi Bonaire.
“Ju faleminderit për email-in e 20 gushtit 2019 përsa i përket klasifikimit të Bonaire.” Fillon emaili. Pjesa më interesante e tij është që ata thonë se është bërë një gabim në këtë klasifikim.
“Departamenti ka kontaktuar zhvilluesin Rockstar që tha se një gabim ishte bërë në klasifikimin e pyetësorit të IARC. Nuk ka një lojë të quajtur Bonaire.” Emaili mbyllet duke thenë se ky projekt është zhvendosur dhe nga database.
Kjo zakonisht do të nënkuptonte fundin e historisë, por një tjetër zhvillim interesant ka ndodhur në të njejtën kohë. Bordi refuzoi të klasifikonte Red Dead Redemption 2 në të njejtën ditë që ky përdorues i Reddit pyeti për Bonaire. Përse do e bënte IARC këtë për një lojë që tashmë është lançuar. Kjo e bën idenë e një instalimi në PC të lojës edhe më të besueshëm.
Si gjithmonë në rastet e thashethemeve dhe teorive konspirative asnjë gjë nuk duhet marrë si e vërtetë derisa zhvilluesi i lojës ta konfirmojë këtë gjë vetë. Sado që një version për PC i Red Dead Redemption 2 është ende i pakonfirmuar, duket gjithmonë e më afër, këtë duhet ta pranojmë.
