Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nvidia do të sjellë teknologjinë e saj në Minecraft, si dhe lojëra të tjera
Lojtarët e Minecraft kanë vite që përmirësojnë grafikat e lojës dhe shtojnë ndriçime realistike me anë të shaders, por tashmë duket se kjo veçori do të vijë në lojë prej vërteti. Nvidia dhe Microsoft zbuluan në Gamescom se një update falas do të shtojë ray tracing për GPU-të RTX në versionin e Windows 10 të Minecraft.
Në mënyrë të ngjashme me mod-in e Sonic Ether’s për Minecraft, update-i do të përdorë path tracing për të krijuar efekte drite dhe errësire fantastike, duke rikrijuar mënyrën se si dita përhapet në hapësira fizike. Nvidia thotë se kjo metodë përdor një “model të unifikuar për llogaritjet e dritës” që mund të përdoret në çdo situatë. Në Minecraft, kjo do të thotë se drita vjen nga dielli, pjesë të blloqeve që ndriçojnë siç është glowstone, si dhe lëndët metalike si ari që pasqyrojnë dritën dhe pjesë të tjera të pamjes.
“Ray tracing është në qëndër të së ardhmes së Minecraft.” tha Saxs Persson, drejtori kreativ i Minecraft. “Në Minecraft normal, një bllok ari duket thjesht i verdhë, por me ray tracing mund të shohësh dritën që pasqyrohet, reflektimin tënd por edhe të përbindëshave dhe të ambjentit rreth e qark.”
Nvidia gjithashtu lajmëroi se ray tracing do të suportohet dhe nga disa prej lojërave më të shumëpritura, siç janë Dying Light 2, Metro Exodus: The Two Colonels dhe Synced: Off-Planet, një lojë që po zhvillohet nga Tencent dhe duket si një përzierje e battle royale me World War Z.
Në Gamescom, Nvidia gjithashtu tregoi se si do të duket ray tracing në demo-n e Cyberpunk 2077, Watch Dogs: Legion, Vampire: The Masquerade – Bloodlines 2 dhe Call of Duty: Modern Warfare.
Ray tracing padyshim që duket shumë më mirë në të gjitha këto lojërat, por efekti krijon efektin më dramatik në Minecraft, ku arrin të ndryshojë tërësisht pamjen dhe atmosferën e lojës. Megjithatë, duhet patur parasysh se për ta përdorur këtë efekt duhen disa prej kartave më të mira grafike në treg, prandaj bëni gati portofolin.
