Mega Mall në Fortnite është vendndodhja e rradhës që do të zhduket

Sezoni i 10 i Fortnite po e alternon hartën në mënyra të çuditshme. Në fillim pamë rikthimin e Dusty Depot, pak para se të shkatërrohej nga meteori. Më pas rradhën e kishte Neo Tilted e cila në kthesat e çuditshme kohore u kthye në një version më të vjetër të saj gjatë Old West, ku lojtarët nuk mund të bënin build asgjë dhe tani rradhën e ka Mega Mall.

Duket se është pikërisht një nga destinacionet futuristike të Sezonit të 9 në rradhë për tu zhdukur, pasi tani në mes të destinacionit është shfaqur një Rift Beacon. Diferenca mes kësaj këtu dhe asaj që u shfaq në Neo Tilted më parë edhe se aty kishte një dritë që pulsonte, ndërkohë që kjo është pak a shumë thjesht e fikur tani për tani.

Si duket këto po ndërtohen nga The Visitor te Dusty Depot. Para pak ditësh e pamë këtë Beacon nën ndërtim. Tani është transportuar te Mega Mall dhe magazina ku u ndërtua në fillim është bosh, me shumë mundësi në pritje të tjetrës.

Në dallim nga Tilted Town, që e kishim parë përmes shumë trailerave dhe dataminers-ave, në këtë rast nuk e dimë se çfarë vendndodhjeje do e zëvendësojë Mega Mall. Është e mundur që thjesht të kthehet mbrapa në kohë dhe të bëhet Retail Row sërish.

Gjithsesi mund të presim për një transformim të Mega Mall nga dita në ditë tashmë. Qoftë ky transformim Retail Row ose ndonjë gjë tjetër, çdo gjë që duhet të bëni është të qëndroni të update-uar me lojën ose me faqen tonë.