Marshmello do të mbajë një kocert në Fortnite këtë javë

Pleasant Park është ndalesa e rradhës në turin e tij.

Eventi i rradhës në Fortnite duket të jetë duke ardhur, pasi muzikanti Marshmello ka hedhur shenja drejt një paraqitjeje në Pleasant Park. Sipas postimit të tij në Twitter, lojtarët duhet të shkojnë aty të shtunën në darkë, duke i lënë të gjithë fansat e Fortnite të besojnë se ai do të bëjë një lloj paraqitjeje në lojë.

Postimi në Twitter nuk ishte e vetmja shenjë që Marshmello do të shfaqej në Fortnite. Këto ditët e fundit muzikanti gjithashtu update-oi datat e turit të tij, duke shënuar një datë të shkurtit për në Pleasant Park të Fortnite. Data e caktuar së bashku me posterin që lojtarët mund ta gjejnë në lojë caktojnë orën 2 ET si nisjen e koncertit.

Ndonëse eventet e mëparëshme në Fortnite kanë qenë kryesisht në formën e shkatërrimeve të mëdha në hartë, duket se Epic do ta ndërrojë pak traditën. Studioja publikoi edhe një linjë me Marshmello cosmetics në dyqanin e lojës, përfshirë këtu edhe një skin të muzikantit në veshjen e tij tipike të bardhë.

Është e vështirë të përcaktojmë nga erdhi ky bashkëpunim, por ja vlen të theksojmë se Marshmello ka qenë një fans i Fortnite për një kohë të madhe tashmë. Në qershor të 2018s ai konkuroi në turnamentin E3 të Fortnite, ku fitoi së bashku me partnterin e tij Tyler “Ninja” Blevins.

Nuk dihet se sa do të zgjasë ky koncert ose se si do të jetë ekzaktësisht, por nuk do të duhet të presim më gjatë se ditën e shtunë për ta marrë vesh.