Lojtarët e Fortnite duan që Epic ta heqë nerfin e Turbo Building

“Kjo lëvizje praktikisht zeron të gjithë nerfin që Epic i dha BRUTE Mech”

Gjatë javëve të fundit battle royale-i i famshëm Fortnite ka marrë dy nerfe masive. Së pari i bëri nerf BRUTE mech. Kjo lëvizje e Epic u prit shumë mirë nga komuniteti i lojtarëve. Kishte njerëz që do të donin të mos ishin fare në lojë, por si kompromis ishte mëse i mjaftueshëm. Gjithsesi duket se situata mes Epic dhe lojtarëve do të vazhdojë të mbetet kontradiktore, pasi nerfi i turbo building e ka kthyer komunitetin në të njejtin stad ku ishte dikur me BRUTE.

Në thelb, nerfi i turbo building erdhi në formën rritjes së kohës nga .05 sekonda në .15 sekonda. Pra lojtarëve ju duhet më shumë kohë për të vendosur një strukturë tjetër. Turbo Building i lejon lojtarët e Fortnite të shtypin butona pa patur nevojën e selektimit manual për ndërtimin e një strukture. Epic Games ka njoftuar disa arsye për këtë ndryshim.

Sipas kompanisë lojtarët që kanë ping të ulët kanë automatikisht avantazh falë Turbo Building dhe gjithashtu thekson se një lojtar i vetëm nuk duhet të jetë në gjendje të mbrohet nga një skuadër e tërë duke shtypur një buton. Një tjetër arsye është që build-i në Fortnite duhet të jetë i qëllimshëm. Gjithsesi është e qartë që lojtarët nuk janë fare dakord me këtë.

Trendi #ReverseTurboBuilding mori shpejt hov në mediat sociale, me fansat e Fortnite që ishin shumë kundra këtij nerfi. Kjo jo vetëm që ndryshon mënyrën se si lojtarët luajnë dhe shkatërron konceptin e turbo building, por siç tha dhe Ninja në Mixer, kjo lëvizje praktikisht zeron të gjithë nerfin që Epic i dha BRUTE Mech, duke e çuar lojën sërish në pikën ku ishte dikur.

Mbetet për të parë në zhvilluesi i Fortnite, Epic games do të bjerë dakord me komunitetin e tij, por duke marrë parasysh sa dorështrënguar ishte me nerfin e BRUTE, do të thonim që të fillonit të mësoheshit me ndryshimet e reja.