Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Krishtlindjet janë ashtuquajtur si periudha më e bukur e vitit. Është periudha ku në vend që të dalesh jashtë në të ftohtë, është ide më e mirë të qëndrosh brenda i mbuluar me batanije dhe të luash lojëra në cfarëdolloj platforme.
Nga festimet imagjinare të fundvitit tek shpëtimi i qyteteve nga murtaja, videolojrat kanë ofruar mënyra të shumta për të përjetuar gëzimin e Krishtlindjeve. Këto janë përzgjedhjet tona të lojrava më të mira për këtë fundvit, duke filluar me:
Fortnite
2018 ishte viti i Battle Rayale, kështu që cila është mënyra më e mirë për të festuar se sa duke vdekur pak minuta pasi ke eksploruar dhe të qëndrosh 20 minutëshin në vazhdim pa bërë asgjë. Fortnite mund të dukej e ngjashme me zhanrin e PlayerUnknown’s Battlegrounds ne 2017, por këtë vit Epic Games ka bërë ndryshime të vazhdueshme.
Gjatë pushimit të Krishtlindjeve, Epic Games po organizon 14 Days of Fortnite. Në vend që t’ju japë shtatë sfida për t’i përfunduar brenda javës, një sfidë e re do të zbulohet çdo ditë. Disa nga këto janë jashtëzakonisht të thjeshta, por ato padyshim do të bëhen më interesante, teksa ngjarja do të vijojë.
Costume Quest: Grubbins on ice
Ndonëse mund të mbështetemi tek Hollywood në prodhimin e filmave për çdo festë që ekziston, lojërat sezonale janë një gjë e rrallë. Fatmirësisht, Double Fine ka bërë më shumë seç i takon për të mbushur hendekun – së pari me letrën e saj të dashurisë për Halloween kundrejt JRPGs, Costume Quest, dhe së shpejti me fushatën e saj DLC, Grubbins on Ice. Në të vërtetë, Costume Quest kishte pothuajse konfigurimin e përsosur për një film të Krishtlindjesh – tre fëmijë vrapojnë rreth qytetit me patina, për të zgjidhur një rrëmbim nga përbindshat që vetëm ata duket se e marrin seriozisht – të rriturit i hidhnin poshtë shqetësimet e tyre të cilësuara si produkte të imagjinatës. Mbledhja e karameleve nuk ka shumë kuptim jashtë konceptit të Halloween, por, e mbuluar me borë, Grubbins on Ice nuk mund të ndihej më tepër festiv.
Icewind Dale
Nëse po kërkoni një lojë festive me një dozë të Baldur’s Gate në të, atëherë mos shikoni më tej. Icewind Dale është loja perfekte e Krishtlindjeve për ju, dhe jo vetëm për shkak se ajo ka “ice” në titull. Sigurisht që i ka te gjitha vrasjet dhe elementët RPG që ju do të prisnit prej Infinity Engine game, por këte fundvit i janë shtuar dhe disa elemente dimërore si debora që bie mbi qytet dhe tymi që del nëpër oxhaqe.
Hitman 2
Asgjë nuk thotë Krishtlindje më se të veshurit me një kostum të Babagjyshit, të hyrit tinëzi në një shtëpi, të kaluarit nga pema në pemë dhe të vrasësh mizorisht një roje sigurie. Ky është dhe thelbi i Hitman 2 – te vrasësh me stil. Për të festuar sezonin, zhvilluesi IO interactive ka lançuar një ngjarje të Krishtlindjeve me kohë të kufizuar për Hitman 2. Është quajtur Holiday Hoarders dhe është e njëjta ngjarje që studioja zhvilloi vitin e kaluar, por tani në hartën e përditësuar të Parisit. Më e mira është se është krejtësisht falas. Oh, vërtet që është koha më e mrekullueshme e vitit. Në Holiday Hoarders, ju keni një numër objektivash. Ka dy vjedhje që plaçkitin rezidencën pariziene dhe ju duhet të vidhni 12 artikujt që ata kërkojnë. Ju gjithashtu duhet t’i vrisni ata të dy. Detyra e fundit është t’i përfundoni ato si ‘aksidente’, të veshur ndërkohë si Babagjyshi.
Overcooked
Duke marrë parasysh sa e frikshme ka qenë bërja e një hamburgeri si shefi në Chez Overcooked, e gjithë ideja e të gatuarit të një darke Krishtlindjesh na intimidon edhe më shumë.
Festive Seasoning është emri i DLC-së së re të Overcooked. Kjo DLC sjell tetë nivele të reja, një hartë të re dhe dy shefa të rinj për të zbuluar. Ka gjithashtu plot receta dhe përbërës të rinj, për të mos harruar flamethrower-in, veglën më të rëndësishme të kuzhinës.
The Awesome Adventures of Captain Spirit
Bëhuni gati për diçka melankolike këtu. Përpara lançimit të pasardhëses së tij Life is Strange, Dontnod solli Captain Spirit, një aventurë spin-off rreth Chris, një nëntë vjeçari me imagjinatë të zhvilluar, të cilit i pëlqen të luajë si alter egoja e tij Captain Spirit.
Tregon historinë e Chris dhe babait të tij, teksa përballen me ndarjen nga jeta të nënës së Chris. Ky i fundit shmanget nga realiteti dhe zhytet në imagjinatën e tij si Captain Spirit, duke luftuar kundër forcave të Mantroid. Tematika e trajtuar është kaq e këndshme dhe mbi të gjitha loja është falas në Steam.
The Elder Scrolls V: Skyrim
Kemi disa njerëz që i përdorin pushimet specifikisht për të ngjitur majën e bardhë të një mali dhe për të eksploruar territoret e tij. Skyrim ju lejon që ta bëni këtë gjë, madje vendos edhe disa njerëz në majë të tij që ti gjeni ju. Ne do ju rekomandonim survival modes. Nuk ka asgjë më të mirë se ideja e një krijese vrastare të akullt përndjekëse, për t’iu bërë të vlerësoni këtë periudhë festive.
