Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Glorious Saga kishte marrë personazhe, emra dhe klipe audioje nga seritë e Warcraft.
World of Warcraft Classic nuk është i vetmi fenomen i Blizzard këtë muaj. Paditë nga ana e World of Warcraft gjithashtu janë kthyer sërish në qendër të vëmendjes. Operatori i një loje mobile që kishte kopjuar WoW në thuajse çdo cm të saj e ka mbyllur lojën, dy javë pasi Blizzard ngriti padinë ndaj saj.
Blizzard e ngritur këtë padi kundër zhvilluesit kinez të lojërave, Sina Games këtë muaj duke thënë se “është thuajse plotësisht e kopjuar nga lojërat dhe produktet e Warcraft.” Imazhet nga në faqen e Facebook të dhe Google Play të Glorious Saga (emri i lojës mobile) janë qartazi të vjedhura nga Warcraft, por në padinë e tij, Blizzard tha se ngjashmëritë shkojnë më thellë nga ç’dukej.
“Çdo personazh në këtë lojë është kopjuar nga një personazh i lojërave Warcraft dhe shumë prej tyre kanë të njejtat emra si ‘Jaina Proudmoore,’ ‘Gul’dan,’ dhe ‘Malfurion.’ Çdo përbindësh, krijesë dhe mjet në këtë lojë është e kopjuar nga Warcraft. Shumë objekte janë marrë direkt nga loja dhe madje edhe efektet zanore janë kopjuar dhe riprodhuar për këtë kopje.”
Ata madje kishin krijuar edhe një kopertinë të lojës së tyre që qëllimisht dukej si ajo e expansion-it më të fundit të World of Warcraft, Battle for Azeroth.
Blizzard tha se popullariteti i madh i Warcraft i bën seritë të jenë të shënjestruara nga zhvilluesit pa etikë dhe gjithashtu shtoi se edhe lojërat e tjera të Sina Games janë të bazuara në ide të tjera shumë të famshme si Pokemon, Yu-Gi-Oh dhe Naruto.
Në rast se do të kishte ndonjë dyshim është bërë edhe krahasimi mes personazheve të World of Warcraft dhe Glorious Saga. Ngjashmëritë janë mëse të dukshme dhe fakti që nuk u lodhën të ndërronin as emrin nuk është se i ka ndihmuar. Rasti i Malfurion një herë…është si ai fëmija në klas të katërt që gjithmonë i kopjonte detyrat e shtëpisë identik si dikush tjetër.
Blizzard ka kërkuar $150,000 si shpërblim për çdo dëm të shkaktuar në copyright, plus tarifat ligjore dhe ndalimin e Glorious Saga dhe çfarëdolloj loje tjetër të Sina që ka thyer të drejtat e autorit. Një mesazh i postuar sot në faqen e Facebook të Glorious Saga nënkuptonte se loja është mbyllur.
“Faleminderit për suportin tuaj ndaj lojës tonë, por për shkak të disa arsyeve kemi vendosur të njoftojmë se loja do të mbyllë të gjithë serverat e saj dhe nuk do të jetë më aktive.”
