Loja e Avatar është ende në zhvillim nga Ubisoft

Pas 3 vitesh, më në fund kemi një lajm për projektin.

Në shkurt të 2017s, Ubisoft njoftoi nga hiçi se po punonte në një lojë të madhe AAA të Avatar. Avatar-in e James Cameron sigurisht. Gjithsesi, që nga ajo pikë nuk kemi dëgjuar asgjë për lojën dhe duke marrë parasysh faktin që po bëhen rreth tre vite që nga njoftimi i projektit, shumë kanë filluar të pyesin veten në Ubisoft e ka anulluar.

Përgjigja e kësaj dileme është jo. Duke ju përgjigjur pyetjes së një fansi që kishte të njejtën kureshtje, adresa zyrtare e filmit në Twitter konfirmoi se Ubisoft është ende duke punuar me projektin, sado që është pak e paqartë se çfarë resursesh po vihen momentalisht në përdorim për të.

Siç mund ta shikoni në tweet-in e mëposhtëm, loja është në zhvillim e sipër nga Massive Entertainment, zhvilluesi suedez që solli Tom Clancy’s The Division 2  më herët gjatë këtij viti dhe paraardhësin e tij para disa vitesh. Për momentin, loja e Avatar është e vetmja e listuar në punët e Massive Studio.

Siç mund ta dini, Ubisoft tashmë ka thënë që loja nuk duhet pritur përpara 1 prillit të 2020s. Pra, ndoshta nuk është shumë e çuditshme që nuk kemi dëgjuar për projektin për tre vite. Gjithsesi, situata të bën të pyesësh pak veten se përse Ubisoft e njoftoi kaq herët.

Në këtë pikë mund të hamendësojmë se nëse loja do të lançohet do të jetë për konsolat e gjeneratës së ardhshme, pra PS5 dhe Xbox Scarlett. Nëse do të zbulojmë më shumë lajme rreth lojës, do ju mbajmë të informuar.