Bëhet leak Bombshell, agjenti i palançuar në Valorant

Nga ky leak, agjenti i ri duket mjaft interesant

Valorant është ende në closed beta, por është kthyer në një prej lojërave më të mëdha në botë, me Riot Games që po përdor famën e tyre për t’u përhapur në lojëra dhe tregje të reja. Ndërkohë që lojtarët po përpiqen të mësojnë agjentët e lojës, një leak i ri na ka bërë të mendojmë se një agjent i ri pritet të vijë së shpejti.

I zbuluar fillimisht në një video të PlayerIGN në 29 prill, në lojë ekziston një agjent i pazbuluar i quajtur Bombshell, i cili mund të ndryshonte meta-n e lojës. Siç duket, disa prej rreshtave të agjentëve në lojë i adresohen Bombshell, i cili mesa duket është një inxhinier.

Dy rreshta të Breach të bëjnë të mendosh se ai ka një marrëhënie të ngushtë me Bombshell, me të dy që mesa duket kanë një të shkuar kriminale, ndërkohë që një rresht i Sage të bën të mendosh që Bombshell ka zjarr dhe shpërthime.

Ende nuk dihet se pse ky agjent nuk është në lojë. Mbase ai mund të vijë në të ardhmen, por sipas disa lojtarëve, ai mund të jetë anulluar plotësisht. Një rresht i Cypher flet për një inxhinier të vogël, ndërkohë që Jett i thotë atij të mos flasë për gjatësinë. Ekziston mundësia që Bombshell të ketë qënë shumë i shkurtër dhe për këtë arsye të mos ketë qënë i drejtë për lojtarët e tjerë.

PlayerIGN beson se emri i koduar Killjoy i përket Bombshell, ndërkohë që ai ka zbuluar edhe disa prej aftësive të tij. Ndër to përfshihen një turretë që mund të vendoset në tokë dhe lazera për të cilët nuk dihet funksioni. Bombshell gjithashtu do të kishte një formë energjie ose një çekiç elektrik.

Nuk dihet nëse Bombshell do të vijë në lojë, duke qënë se Riot Games nuk ka komentuar rreth tij.