Season 10 në League of Legends do të nisë në 10 janar

Bëhuni gati!

Një vit i ri, një sezon i ri në League of Legends. Pas një muaji eksperimentimi, pre-season në League of Legends po i vjen fundi dhe ai do të zëvendësohet nga Season 10 gjatë kësaj jave.

Llogaria zyrtare e lojës në Twitter postoi dy imazhe të reja, duke treguar ikonën e sezonit dhe datën zyrtare të nisjes, 10 janar. Një prej imazheve, i cili mund të jetë një teaser për videon e re kinematike, tregon konturin e Urgot dhe zinxhirët që zgjaten drejt siluetës së një viktime. “Për 5 ditë, do i thyejmë,” lexon imazhi.

Ranked do të bëhet reset në fillim të sezonit, por nuk do të jetë një hard reset. Rank-et e reja të lojtarëve do të llogariten në bazë të performancës së tyre gjatë placements, por gjithashtu në bazë të performancës së tyre në preseason.

Siç u zbulua gjatë ndryshimeve të ranked në Season 9, lojtarët do të kenë një rank provizor pas lojës së tyre të parë ranked të sezonit. Gjatë placements, lojtarët do të fitojnë LP për çdo fitore, por nuk do të humbin LP kur humbin. Kur ata të plotësojnë tetë nga dhjetë ndeshjet e tyre placement, rank-u i tyre do të jetë i dukshëm për këdo.

Patch-i i parë i këtij viti do të vijë dy ditë përpara nisjes së sezonit të ri. Në 8 janar do të vijë Patch 10.1 në serverat live dhe bashkë me të do të vijë dhe Sett, kampioni më i ri i League of Legends. Gjithasht, në këtë patch do të vijnë dhe skin-et e reja Mecha Kingdom.