Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Tashmë mund të luani Mario Kart në lëvizje
Mario Kart Tour u lançua zyrtarisht ditën e djeshme, duke sjellë serinë shumë popullore të Nintendo në platformat mobile për herë të parë. Fansat e lojërave të mëparshme do të vënë re se loja nuk është siç e mbajnë mend ata, pasi formula e njohur për ta është ndryshuar, duke sjellë ndryshime sa të mira, aq edhe të këqija.
Mario Kart Tour është quajtur zyrtarisht një lojë “free-to-start“, një emër i zgjedhur nga CEO i Nintendo Satoru Iwata për të përshkruar largimin nga struktura e njohur e lojërave free-to-play. Në praktikë, dallimi nuk është dhe aq i madh dhe lojtarët e Mario Kart Tour duhet të jenë të përgatitur të gjejnë aq microtransctions, sisteme XP dhe grinding sa në çdo lojë tjetër F2P.
Siç pritet nga çdo lançim i madh në mobile, Mario Kart Tour u lançua njëherësh si në App Store për iOS, ashtu edhe në Google Play Store për Android dhe mund të shkarkohet falas nga të dyja. Download-i fillestar është vetëm 128MB, por download-i pas lançimit e bën lojën rreth 500MB, diçka standarte për lojëra të tilla. Lojtarëve iu duhet të kenë një llogari Nintendo për të pasur mundësi të luajnë.
Kjo nuk duket se po i ndalon lojtarët të luajnë dhe as microtransactions e shumta, pasi shumë orë janë harxhuar duke e luajtur atë dhe versioni për Android është shkarkuar mbi 1 milion herë. Nuk ka informacion se sa lojtarë kanë vendosur të blejnë abonimin për Mario Kart Tour, i cili shton shumë veçori shtesë për $5 në muaj
