Lançohet data e shërbimit ‘Nintendo Switch Online’

Gjatë vitit të kaluar, Nintendo është kthyer në tregun e konsolave falë lançimit të suksesshëm të Nintendo Switch. Kur konsoli hibrid u lëshua në mars të vitit 2017, i  mungonin veçori të dukshme si shërbimi online, i cili u njoftua të filonte diku pas lëshimit të Switch. Pas një vonese një vjeçare, Nintendo më në fund ka zbuluar se kur shërbimi i tyre online do të jetë i live për lojtarët.

Sipas NintendoLife, shërbimi Nintendo Online do të jetë live në Europë më 18 shtator përpara se të fillojë në SHBA të nesërmen, më 19 shtator. Në atë kohë, lojërat që përfshijnë lojën online në Switch, do të kërkojnë një abonim në shërbimin online në mënyrë që të vazhdojnë të jenë të tilla. Një numër i lojërave që aktualisht janë në Switch varen shumë nga komunitetet e tyre online, si Splatton 2 dhe Mario Kart 8 Deluxe, me Super Smash Bros. Ultimate që është një tjetër titull AAA për t’u shtuar në listë kur të lançohet në dhjetor.

Për këdo që po pret për lëshimin e një shërbimi të paguar, Nintendo ofron një provë 7-ditore free për të gjithë ata që të dëshirojnë të provojnë tiparet e ardhshme të lojës, që javën e ardhshme. Një tjetër veçori e përfshirë është aftësia për të bërë ‘stream’ një numër të lojërave klasike direkte në Switch nëpërmjet opsionit NES Online. Sa i përket listës së video-lojërave klasike të Nintendo-s që mund të transmetohen në sistem, vetëm dhjetë prej 30 konfirmimeve janë zbuluar deri tani për publikun.

Këto janë tiparet e vetme të njohura të shërbimit online, përveç çmimeve. Gjithashtu, Nintendo sapo konfirmoi datën dhe orën e Nintendo Direct, që ishte planifikuar fillimisht për javën e kaluar, por u vonua për shkak të një tërmeti të rëndë në Hokkaido të Japonisë. Stream-i është planifikuar të zgjasë 35 minuta dhe do të përfshijë detaje mbi lojërat e ardhshme për të dy Nintendo Switch dhe 3DS.