Ky leak zbulon se kërcime të TikTok do të vijnë së shpejti në Fortnite

Një leak i freskët në Fortnite ka zbuluar se kur do të vijë kërcimi Renegade nga TikTok në Fortnite dhe pritja duket se nuk do të jetë shumë e gjatë.

Epic Games ka tendencën që në një mënyrë ose tjetër t’i përfshijë trendet më të fundit në Fortnite item shop. Ata kanë bërë skin crossovers me Avengers, Stranger Things dhe edhe Batman, por më të njohurat kanë ardhur kryesisht në formën e emotes.

Nga këto emotes më populloret kanë qenë zakonisht në formën e kërcimeve si Flossing, ‘backpack kid’ dhe Carlton dance nga Fresh Prince of Bel-Air. Teksa TikTok vazhdon të bëhet gjithmonë e më i përdorur, fansat kanë kërkuar që disa prej kërcimeve të platformës të vijnë në Fortnite. Duket se dëshira do ju plotësohet.

Leaker-i i Fortnite, HYPEX, zbuloi se Renegade dance ishte shtuar në update-in e 30 qershorit. Që nga ajo pikë ai nuk ka qenë i disponueshëm në Item Shop ose në sektorin e Fortnite ku mund të gjenden këto paketa.

Gjithsesi në 11 korrik, HYPEX zbuloi se ky emote do të vijë më në fund në lojë të shtunën e 18 korrikut. Ai nuk bëri të ditur se sa mund të kushtojë ky emote ose sa kohë do të duhet derisa të vijë live. Gjithsesi gjasat janë që do të jetë vetë Epic ai që do të japë detaje për këtë emote përpara datës 18.

Në varësi të rarity, emotes kushtojnë diku te 200-800 V-Bucks. Sipas leak-ut Renegade do të klasifikohet në Epic rarity. Kjo do e vinte atë diku në çmimin e 500 V-Bucks.