Ky leak i Fortnite zbulon pamjet e para të eventit të Doomsday

Duket se tashmë është zyrtare, stuhi, vetëtima dhe shumë e shumë të tjera do të vijnë në Fortnite, pasi Midas të aktivizojë paisjen e tij të Doomsday dhe kjo stuhi ka për të lënë shenjat e saj në hartën e battle royale-it.

Të dhëna të reja u gjetën në kodin e Fortnite që detajonin shkatërrime masive që do të ndodhnin në fundin e Season 2. Këtu përfshihen tornado, stuhi vetëtimash, erëra të forta etj.

Duket se lojtarët nuk do të jenë të vetmit që do të duhet të shmangen nga dëmet e Doomsday. File të tjera të bëra leak zbuluan se paisja, e cila momentalisht ndodhet te The Agency, mund të shpërthejë.

Rendera të zbuluar nga FortTory zbulojnë një vrimë masive që mund të shfaqet në fund të Agency gjatë eventit. Kjo gjë mund të ndodhë pasi të jetë aktivizuar paisja e Doomsday. Një tjetër set renderash zbulonte mure të copëtuara të Agency.

Së fundmi, VastBlast zbuloi disa file audioje, të cilat zgjasnin rreth dy minuta dhe duket të vijnë nga eventi në fjalë. Këtu mund të dëgjohen zhurma ere, sirena emergjence dhe zëra në panik.

Nuk ka ende konfirmim për këto leaks në Fortnite dhe lidhjen mes tyre, por duke marrë parasysh se loja momentalisht ka një paisje gjigande Doomsday duke pritur që të shpërthejë në qendër të hartës, do të thonim që bëjnë mjaft sens.