Ky exploit i ri mund të bëjë jailbreak një iPhone përgjithmonë

Exploit-i i ri nuk mund të bëhet patch nga Apple

Sa herë që lançohet një iOS i ri, komuniteti i jailbreak i futet punës për ta zhbllokuar atë. Tani, një kërkuesi i sigurisë ka publikuar një exploit që e bën jailbreak përgjithmonë një iPhone. Ky exploit supozohet të jetë një “exploit i bootrom i përhershëm që nuk mund të bëhet patch“, i cii mund të përdoret për iPhone 4s deri në iPhone X.

Përdoruesi i Twitter axi0mx ka zbuluar ditën e djeshme këtë exploit të quajtur checkm8 (lexohet checkmate – shah mat). Exploit-i mund të përdoret për të bërë përgjithmonë jailbreak një iPhone. Ai punon në të gjithë smartphone-t duke filuar nga iPhone 4s deri në iPhone X pavarësisht versionit të iOS që ato përdorin.

Elementi më surprizues i këtij exploit është se Apple nuk mund të publikojë një patch për të duke nxjerrë një tjetër update të iOS. Përveç kësaj, ai të mundëson ty të përdorësh një version më të vjetër të iOS, edhe pse Apple nuk e bën këtë gjë. Ky është një prej elementëve më kryesorë të këtij exploit që mund të përdoret nga përdoruesit.

Deri tani, nuk ka një jailbreak të mirëfilltë të lançuar dhe axi0mX e ka publikuar exploit-in falas për publikun. Kjo i hap rrugë zhvilluesëve për të krijuar një tethered jailbreak për iPhone. Kjo do të thotë se përdoruesve iu duhet ta bëjnë sërish jailbreak iPhone-in kur ai fiket. Gjithashtu, për këtë exploit përdoruesit duhet të lidhin iPhone-in ose iPad-in e tyre me një PC nëpërmjet një USB-je.

Nuk do të duhet shumë kohë përpara se komuniteti i jailbreak të gjejë një përdorim të mirë të këtij exploit-i për të bërë jailbreak një iPhone.