Krijuesi i God of War thotë se me cilin superhero do të bënte një videolojë

Popullariteti i madh që dekada e fundit ka sjellë për lojërat me superheronj, si Batman Arkham dhe Marvel’s Spider-Man, nuk po tregon shenja ndalimi. Këto ditë shumë zhvilues janë duke përdorur aftësitë e tyre për të sjellë më shumë projekte të tilla dhe drejtori i God of War, Cory Barlog, e di se cilin hero do të zgjidhte nëse do i jepej një mundësi e tillë.

E gjitha filloi me një pyetje të drejtuar në Twitter: “Kush është superheroi që do të donit të shikonit në një lojë dhe kush zhvillues do të donit që ta bënte?”

Pyetja mori me qindra përgjigje, ku ndër më të mirat ishin një lojë e Naughty Dog në stilin Uncharted me Wolverine si protagonist , një tjetër e stilit Devil May Cry me Teen Titans nga Capcom dhe një lojë me Doctor Strange nga Remedy, si rrjedhojë e shooter-it të tyre Control.

Edhe Barlog u bashkua me idenë e tij për një lojë me superheronj dhe tha një nga idetë më interesante deri më tani. Në vend të personazheve me fuqi më të mëdha si Batman ose Spider-Man, ai do e bazonte lojën në Hawkeye, heroi i Avengers i njohur për aftësitë e tij të shkëlqyera në hark dhe shigjetë.

Specifikisht ai tha se loja e tij hipotetike e Hawkeye do të bazohej në vitet 2012-2015 të arratisjes së tij në comics-at e shkruajtur nga Matt Fraction dhe David Aja.

Një lojë me Hawkeye është pak lëvizje e rrezikshme për tu bërë në fakt, sado që realisht ai është super personazh. Gjithsesi, duke marrë parasysh suksesin masiv të God of War, nuk do e shikonim si të pamundur.