CD Projekt Red tregon Kojima si një personazh të Cyberpunk 2077

Nuk është ende e qartë nëse ai do të shfaqet në lojë.

Hideo Kojima ka stil shumë të mirë, por versioni i tij në Cyberpunk 2077 mund t’ja ketë kaluar në këtë departament. Për ta uruar atë dhe ekipin e Kojima Productions për lançimin në PC të Death Stranding, CD Projekt Red e ktheu atë në një personazh të Cyberpunk 2077.

Dizajneri pa paraprakisht Cyberpunk 2077 në 2018 kur shkoi të vizitonte CD Projekt Red. Vitin e ardhshëm ai ishte në stendën e Tokyo Game Show, ku bëri foto në një nga motoçikletat e lojës. Ky moment duket të ketë qenë frymëzimi për kthimin e Kojima në personazh të lojës.

Ka goxha të përbashkëta në lojërat që Kojima ka punuar dhe Cyberpunk 2077. Ndërthurja e teknologjisë me njeriun, përdorimi i papërgjegjshëm i saj, edhe motoçikletat në Death Stranding duken shumë si ato të Cyberpunk 2077.

Kjo mund të jetë e gjitha thjesht një dhuratë nga ekipi i CD Projekt Red për Kojima, por duke marrë parasysh se duket shumë si një model brenda lojës, nuk është çudi nëse Kojima fillon të rrijë në Night City kur të dali loja.