Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
WandaVision është një nga projektet më misterioze të fazës së 4 të Marvel. Trailerat e parë dhe arti konceptual që kemi parë duket të tregojë Wanda teksa përballet me humbjen e Vision duke jetuar në botën e saj të ëndrrave. Një teori e një fansi të MCU nga ana tjetër ka sjellë një ide tepër interesante mbi projektin që do të vijë në Disney Plus këtë dhjetor.
BXofTriscuits në Reddit shtron teorin se Scarlet Witch mund të shpikë një botë përmes fuqive të saj që të mund të jetojë me Vision, duke i çuar gjërat pak më larg se ç’duhet. WandaVision sipas kësaj teorie do të merret me të gjitha humjet e Wanda përgjatë jetës së saj.
Secili nga stilet e sitcom-eve që kemi parë deri më tani (në total katër dekada nga 1960 deri në 1990) përfaqëson një event traumatik në jetën e Wanda.
Segmenti bardh e zi mund të lidhet me humbjen e prindërve të saj, një linjë nga Avengers: Age of Ultron që mund të zgjerohet më thellë këtu dhe ndoshta, të prezantojë babain e saj nga comic-books, Magneto.
1970 do trajtonte Wanda duke kaluar vdekjen e vëllait të saj, Quciksilver, që patëm mundësi ta shikonim në Age of Ultron. Segmenti i 1980 do të lidhej me konfrontimin e saj me veprimet e këqia që ka bërë në të shkuarën dhe 1990 sigurisht me lidhjen e saj me Vision, pasi ai vdiq nga duart e Thanos.
Në thelb teoria sugjeron se këto mini-seri mund të trajtojnë të gjithë jetën e Wanda dhe dështimet e saj, duke qenë më në afërsi me gjendjen emocionale të personazhit se filmat e zakonshëm të Marvel. Kjo gjithashtu do të përshtatej me komentin e Kevin Feige të bërë vitin e kaluar në San Diego Comic-Con, se seriali “është ndryshe nga çdo projekt që kemi bërë deri më tani.”
