Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
“Një lojë battle royale me tiparet e saja unike…”
Apex Legends është loja e re battle royale nga zhvilluesi i Titanfall, Respawn. Loja përmban një shumëllojshmëri klasash të ndryshme të personazheve, të quajtur Legends. Secili ka aftësitë e veta unike. Ajo gjithashtu përmban një sistem respawn për të ringjallur gjithë skuadrën tuaj edhe pasi të jenë eliminuar nga loja.
Në themele ApexLegends përmban disa nga elementët kryesorë që mund të presësh nga një lojë e zhanrës battle royale. Gjithsesi me personazhet dhe armët e larmishme që kjo përmban, i jep hapësirë vetes të bëjë dallim nga konkurenca e saj. Kur jeni në fillim të së luajtrit është e rëndësishme të kërkoni për këto elementë, veçanërisht Legends dhe të zbuloni se si mund ti përdorni ato në avantazhin tuaj.
Përpara se ti futeni lojës me kokë, hidhini një sy kësaj guide të shkurtër që përmban çdo gjë që duhet të dini për startimin e Apex Legends.
Apex Legends është një lojë Battle Royale
Sado që shtimi i klasave dhe aftësive të tyre e ndan këtë lojë nga konkurenca, ajo mbetet një battle royale dhe shumica e rregullave të zhanrës aplikojnë edhe këtu. Kjo do të thotë që pozicionimi është gjithçka. Gjithmonë do duhet të jeni të kujdesshëm mbi vendndodhjen tuaj në hartë. Nëse hyni me vonëse, kujdesuni që të zgjidhni një kënd që nuk ka shumë lojtarë.
Mënyra më e mirë për ta bërë këtë është të mbani mend se nga cila anë po fluturonte anija kur hytë në lojë. Krahas kësaj ruhuni edhe nga qytetet e mëdha që janë të prirur të kenë aksion dhe lëvizje në gjirin e tyre.
Eksperimentoni me armët dhe mblidhni sa më shumë municione.
Apex Legends ka lloje të ndryshme armësh dhe shumica e tyre janë të hajrit. Ndaj momentet e para të lojës shpenzojini duke provuar sa më shumë armë të mundni, në mënyrë që të krijoni një ide më të mirë se çfarë ju pëlqen dhe çfarë jo. Training Simulator brenda lojës do ju japë një dorë me çdo armë, por e mira do të ishte që ti testonit edhe gjatë një ndeshjeje, meqë në këto ka dhe kundërsulme.
Një veçori rreth kësaj loje është se për të vrarë lojtarë të tjerë ju duhen shumë plumba. Nuk ka rëndësi se ku i godisni ose sa të mirë e keni shënjestrën, kundërshtarët tuaj do të jenë tamam si shprehja “se gjen gjë gjënë e keqe”. Edhe municionet në Apex Legends nuk janë me kapul, ndaj në momentin që akomodoheni me armën tuaj filloni të mblidhni municionet. Nëse doni që të qëndroni sa më shumë në lojë do ju duhet të mblidhni plumba.
Kemi dy lloj healing items, një për ju dhe një për mburojën tuaj.
Looting është gjithashtu shumë i rëndësishëm në një battle royale si Apex Legends. Mbajini gjithmonë sytë hapur për paisje mbrojtëse që do shërbejnë rrjedhimisht si mburojat tuaja.
Slots mbartin një jelek dhe një helmetë. Këto të fundit variojnë në kualitetin e tyre nga common-(që mban pak dëme) në uncommon, rare dhe legendary.
Mendojeni armaturën si një mburojë. Kjo do të thotë që mund ta rimbushni armaturën vazhdimisht që të mund të përballojë më shumë dëme. Ky proces është më efikas se healing dhe është më i rëndësishëm, sepse armatura juaj përballet me dëmin përpara jush. Ndaj ky do të jetë healing item-i kryesor që do të doni të grumbulloni gjatë looting.
Mësoni rolin e çdo Legend
Çfarë e dallon vërtet Apex Legends nga lojërat e tjera battle royale janë Legends, personazhet e ndryshme që mund të zgjidhni në fillim të çdo raundi. Secili prej tyre ka mënyrat e tij unike të përdorimit në një luftim dhe secili ka aftësi të veçanta që përmbushin role të ndryshme në një skuadër. Ndaj është e rëndësishme që të familjarizoheni me çdo personazh.
Nëse po luani si Gibraltar duhet të tregoheni ballafaques me skuadrat armike, duke përdorur mburojën tuaj për të bllokuar dëme. Nëse jeni në rolin e Pathfinder, përdorni aftësitë tuaja për të gjetur kënde sulmimi të cilat mund të mos jenë zbuluar më parë nga lojtarë të tjerë.
Përdorni aftësitë tuaja shpesh
Pasi keni mësuar se çfarë mund të bëjë çdo Legjendë, ka ardhur koha për të vendosur aftësitë e tyre në punë. Dhe që ta arrini këtë në mënyrën e duhur, duhet të vendosni afëtsitë tuaja në punë.
Ndonëse mund të ndjeheni të tunduar për ti lënë mënjanë aftësitë tuaja të veçanta dhe të prisni për momentin perfekt, kjo lëvizje do të ishte në dëmin tuaj. Përkundrazi, përpiquni të gjeni mënyra për të dhënë maksimumin në çdo ndeshje. Mos prisni për momentin e përsosur që të përdorni një ultimate, por gjeni mënyrën se si ky ju ndihmon të mbijetoni në zënkën që ndodheni. Më vonë kur të jeni në një betejë tjetër, gjasat janë që aftësitë tuaja nuk do ta kenë ulur intensitetin.
Mbani në mendje këto këshilla dhe me shumë mundësi do të mbijetoni më gjatë në ndeshjet tuaja fillestare në Apex Legends.
