Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Bëhuni gati për bejsboll dhe një botë post-apokaliptike
Lojërat falas të tetorit për Playstation Plus sapo janë zbuluar. Shërbimi premium i Playstation sjell The Last of Us Remastered dhe MLB The Show 19. Sipas postimit të Playstation në blog-un e tyre lojërat mund të shkarkohen falas duke nisur nga 1 tetori.
Zbulimi i këtyre dy lojërave erdhi si pjesë e State of Play ditën e djeshme, ku gjithashtu u zbulua dhe më shumë informacion për The Last of Us Part 2. Duke patur parasysh këtë gjë, nuk është e çuditshme që The Last of Us Remastered, remaster-i i lojës origjinale, është pjesë e këtyre lojërave. MLB The Show 19 është mbase pak zgjedhje e çuditshme, por duhet të jenë dy lojëra dhe njerëzve iu pëlqen bejsbolli, kështu që pse jo?
MLB The Show është zhvilluar nga SIE San Diego Studio, që lançon një version të re të lojës çdo vit përpara nisjes së sezonit në mars. Tashmë, kushdo që ka Playstation Plus mund të futet në fushë me nisjes e postseason të MLB.
Kjo do të jetë hera e parë që MLB The Show është falas në këtë shërbim, prandaj Sony po ofron dhe bonuse brenda lojës për këdo që futet gjatë tetorit, që janë pesë pako falas, ku është e garantuar të marrësh një lojtar Diamond.
Loja tjetër e tetorit është The Last of Us Remastered e Naughty Dog. Loja post-apokaliptike u lançua fillimisht në Playstation 3 në qershor të 2013 dhe Naughty Dog e rilançoi atë për Playstation 4 në korrik të 2014. Tashmë që The Last of Us 2 u zbulua, është koha më e mirë për ta riluajtur këtë lojë.
Ndërkohë që prisni për lançimin e këtyre lojërave, ende keni mundësi të luani falas lojërat e shtatorit, Batman: Arkham Knight dhe Darksiders 3, të cilat janë falas deri në fund të këtij muaji.
