The Last of Us 2 do të lançohet në shkurt të 2020 për PS4

Zbulohen data e lançimit dhe trailer i The Last of Us 2

Gjatë prezantimit State of Play më të fundit, Sony zbuloi datën e lançimit të The Last of Us Part II nëpërmjet një trailer-i të ri, të cilin mund ta shikoni më poshtë. Loja pritet të lançohet për PS4 në 21 shkurt 2020.

Përpara prezantimit, Sony ka qëndruar i qetë për sa i përket lojës ekskluzive për PS4. Kompania e surprizoi botën fillimisht në 2016 kur zbuloi The Last of Us Part II dhe më pas publikoi traler-in e parë të lojës në 2017. Në 2018, një tjetër trailer u publikua gjatë E3 2018, por 2019 ka qënë një vit i qetë për sa i përket lojës. Të paktën deri dje.

Për sa i përket gameplay, loja duket shumë e dhunshme dhe kjo gjë është fantastike. Edhe pse shohim momente vërtet të ëmbla në lojë, si për shëmbull Ellie duke puthur crush-in e saj dhe duke u trembur nga ideja që duhet të kërcejë me të dhe të zbulojë më shumë mbi lidhjen e saj, The Last of Us Part II padyshim që është më e fokusuar tek aspektet më të këqija të mbijetesës në një botë apokaliptike. Pamë Ellie që i can fytin një burri që po i pengonte rrugën, që heq një shigjetë nga shpatulla e saj dhe që godet në kokë me sopatë një armik.

The Last of Us Part II duket më e orientuar drejt aksionit se lojërat paraardhëse. Ellie ka një arsenal armësh të ngjashëm me atë të Joel në The Last of Us, por Ellie e gjen veten shpesh në hapësira të hapura me më shumë opsione për të vrarë kundërshtarët. Mund të ulesh poshtë makinave për të kaluar rojet, të tërheqësh armiqtë drejt një vendi për t’i futur ata në kurth, të kalosh pengesa për t’u fshehur më shpejt dhe të futesh në korridore të ngushta për t’u larguar nga armiq më të mëdhenj.