Keanu Reeves viziton Hideo Kojima dhe Kojima Productions

Një takim vërtet i këndshëm

Keanu Reeves është personazhi i famshëm i fundit që ka vizituar studion e Hideo Kojima, Kojima Productions, në Shinagawa, Tokio, Japoni. Kojima njihet shumë mirë nga gamers si mendia gjeniale pas lojërave Metal Gear Solid si dhe lojës ekskluzive që pritet të vijë në PS4 Death Stranding. Fansat e zjarrtë të tij gjithashtu e dinë se Kojima është fans i filmave dhe muzikës. Ai gjithmonë flet për filmat e tij të preferuar në Twitter dhe madje ka krijuar dhe një Very Easy Mode në Death Stranding për fansat e filmave. Gjatë shumë viteve që ai ka kaluar duke zhvilluar këtë lojë, shumë figura të shquara nga industria e argëtimit kanë vizituar studion e tij për arsye të ndryshme e madje disa prej tyre janë bërë pjesë dhe e Death Stranding.

Conan O’Brien, Jordan Vogt-Roberts, Grimes, CHVRCHES, Bring Me the Horizon, Edgar Wright dhe shumë e shumë të tjerë kanë vizituar studion e Kojima. Ndërkohë, për sa i përket atyre që do të jenë në Death Stranding, aktori kryesor është Norman Reedus dhe loja gjithashtu do të ketë brenda saj Mads Mikkelsen, Lea Seydoux dhe Guillermo del Toro. Geoff Keighley, një prej miqve më të mirë të Kojima dhe personi që ka krijuar The Game Awards gjithashtu flitet të jetë pjesë e Death Stranding. Ndërkohë, Reeves është pjesë e një loje tjetër nga CD Projekt Red, Cyberpunk 2077, por a do të ketë ai gjithashtu një rol dhe në Death Stranding të Kojima?

Kojima shpërndau në mediat e tij sociale lajmin se Keanu Reeves kishte kaluar nga studio e tij, duke postuar gjithashtu foto të ndryshme të tij dhe Keanu-t. Gjatë San Diego Comic-Con, Kojima në fakt foli se si Keanu Reeves për pak u bë pjesë e Death Stranding, pasi Kojima kishte pasur fillimisht si ide të vendoste atë në rolin që do të luhet nga Mikkelsen. Sigurisht, fansave iu mbetet vetëm të ëndërrojnë se si Death Stranding do të dukej me Keanu Reeves në të dhe gjithashtu të shijojnë këto foto të Reeves me Kojima.

Shpresojmë që kjo vizitë e Keanu Reeves te Kojima Productions të sjellë një miqësi mjaft të mirë midis aktorit dhe zhvilluesit. Tani, studioja padyshim që po punon për të lançuar Death Stranding në 8 nëntor. Ende nuk dihet se çfarë e pret Hideo Kojima pas lançimit të Death Stranding në Playstation 4, por padyshim që do jemi entuziastë dhe për të.