Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sipas Catherine Gluckstein nga Project xCloud, ka më shumë njerëz që po luajnë videolojëra në Indi se popullësia e Shteteve të Bashkuara të Amerikës. Si duket ka më shumë se 300 milionë individë nga 1.3 miliardë në Indi që pëlqejnë videolojërat. Një shifër kjo që në total ja kalon edhe popullësisë së SHBA.
Në një intervistë Gluckstein përmend “tregun e maturuar të Xbox” si UK dhe US dhe pavarësisht se këto produkte mund t’ja nisin në këto zona, reagimet nga territoret e reja shërbejnë si eksperienca të dobishme për kompaninë. “Është një treg gjigand për gaming, por jo një në të cilin ne kemi luajtur më parë. Është një vend interesant ku mund të shkojmë dhe të mësojmë.”
Kjo nënkupton se India mund të jetë vendi me potencialin më të madh për të zhvilluar shërbimin Project xCloud të Microsoft, por edhe një vend ndaj të cilit kompanitë e tjera duhet të mbajnë një sy hapur.
Gjatë këtij viti India ka patur disa probleme me banet e Player Unknown: Battlegrounds, por duket se tregu aty ka ndërmend vetëm të zgjerohet.
Project xCloud është një nga projektet e reja të Microsoft, i cili ka si qëllim të inkorporojë gaming në mobile dhe tableta përmes streaming. Momentalisht shërbimi është në beta në UK, US dhe Kore. Project xCloud i lejon lojtarët të luajnë lojëra me një controller, duke përdorur telefonat e tyre përshembull si ekrani dhe paisja që bën stream-in në fjalë.
Sado që Project xCloud është që tani emër goxha i madh, shumë gamers i kanë sytë dhe deri diku kuriozitetin te Stadia, e cila do të lançohet zyrtarisht në nëntor.
