Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nëse kjo do të ndikojë lançimin perëndimor të lojës ende nuk e dimë.
Sega ka anulluar shitjet e lojës spin-off të Yakuza, Judgement, pasi një nga aktorët e lojës u akuzua për përdorim të kokainës. Pierre Taki, i cili dublon zërin e personazhit Kyohei Hamura dhe Olaf në versionin japonez të Frozen dhe Kingdom Hearts 3 u arrestua nga policia e Tokios mbrëmë.
Hetimi mendohet të jetë bërë pasi dikush i orientoi policët të kontrollojnë makinën e Taki. Aty nuk u gjet asgjë, por më vonë testimi i urinës së aktorit doli pozitiv për kokainë. Që nga ajo pikë ai ka pranuar përdorimin e drogës, gjë kjo që bie në kundërshtim me ligjet e rrepta të narkotikës që vendi ka.
Sot në mëngjes, Sega publikoi një deklaratë që thoshte: “për momentin kemi vendosur të frenojmë shitjet e lojës Judgement”. Studioja gjithashtu thotë se arrestimi i Taki është për të ardhur keq dhe se njerëzit do të njoftohen së shpejti mbi reagimin e kompanisë ndaj situatës. Sega gjithashtu ka fshirë postimet e lojës nga mediat e saj sociale.
Për momentin, Judgement është limituar vetëm në lançimin në PS4 në Japoni, por ka përpara një lançim global në qershor. Sjellia e Japonisë ndaj përdorimeve të jashtëligjshme të drogërave është tepër e rreptë dhe pa tolerancë. Shpesh herë në situata të ngjashme personat janë zhvendosur nga projektet pas arrestimeve. Se sa do të ndikojë kjo ngjarje në lançimin e lojës në vendet perëndimore ende nuk e dimë.
