Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Shumë lojëra të reja, surpriza dhe informacione rreth Xbox Series X u zbuluan në Xbox Games Showcase.
Ditën e djeshme në Twitch u transmetua Xbox Games Showcase ku u prezantuan shumë lojëra të ndryshme dhe gjithashtu u konfirmua se Xbox Series X do të vijë në nëntor dhe se do të jetë e mundur transferimi i lojërave ose të dhënave të cilat i keni në Xbox One në Xbox Series X dhe anasjelltas në qoftë se loja e suporton nëpërmjet Xbox Smart Delivery. Përveç lojërave kryesore nga Xbox Game Studio, u shfaqën gjithashtu edhe disa lojëra nga studio të tjera. Lojërat të cilat u prezantuan gjatë Xbox Games Showcase janë:
Halo Infinite
Halo Infinite zuri pjesën më të madhe të kësaj shfaqje ku më në fund u shfaq në campaign e ri të kësaj loje. Akoma nuk kemi shumë detaje rreth Halo Infinite po dimë që protagonisti do të jetë Master Chief dhe do të ketë vëmendjen kryesore në lojë. Gjithashtu kjo lojë mund të luhet multiplayer co-op split-screen ku 2 ose më shumë lojtarë mund të luajnë në të njëjtën pajisje dhe do të mund të luhet midis lojtarëve ne platforma të ndryshme. Një datë lançimi akoma nuk është bërë e ditur por besohet se fundi i këtij viti ose fillimi i vitit tjetër ka për të na sjellë ketë lojë. Do të jetë e vlefshme ne Xbox Game Pass.
State of Decay 3
Për trailerin e kësaj loje mund të themi që dukej me të vërtetë tmerrues. Nga cinematic trailer mund të shohim një dre zombie i cili ushqehet me një ujk. Akoma nuk kemi shumë info rreth kësaj loje prandaj na ngelet të presim.
Forza Motorsport
Dhe siç pritej, Forza Motorsport është prezantuar për Xbox Series X dhe PC por akoma nuk ka një datë lançimi.
Everwild
Nga Rare, developer i Sea of Thieves vjen kësaj here për Xbox Series X dhe PC, Everwild. Ndryshe nga shumica e lojërave, Everwild na jep mundësinë të explorojmë një botë të paeksploruar ku do t’iu duhet të punoni me kafshët dhe njëkohësisht ti mbroni ato.
S.T.A.L.K.E.R 2
Stalker 2 do të vij për Xbox Series X dhe PC dhe si gjithmonë me ngjarje të jashtëzakonshme, krijesa të frikshme dhe luftë për mbijetesë.
Tell Me Why
Dontnod na sjell Tell Me Why, një lojë adventure e ndarë me episode e cila fokusohet në historinë e një vëllai dhe një motre të cilët janë mbajtur të ndarë që fëmijë. Të dy do të luftojnë të gjejnë arsyen pse ndodhi kjo gjë. Episodi i parë do të vij më 27 gusht.
Avowed
Avowed është loja më e re nga studioja Obsidian Entertainment. Në trailer mund të shohim që loja do të jetë first-person RPG e vendosur në një botë imagjinare të quajtur Aurora.
Fable
Një trailer i shkurtër mbi lojën Fable ka sjellë shumë dyshime për këtë lojë në qoftë se do të jetë një reboot i serisë apo një vazhdim i kësaj loje. Gjatë trailer-it mund të shohim zana, diçka e cila na bën te dyshojmë për një histori aventurë magjike të stilit të vjetër. Fable do të vij për Xbox Series X dhe PC.
Tetris Effect: Connected
Loja klasike Tetris do të vijë kësaj herë në Xbox me disa modes të reja ku mund të luani bashkë me shokët tuaj multiplayer co-op dhe competitive local dhe online. Loja pritet të lançohet në nëntor.
Destiny 2: Beyond Light
Bungie shfaqi një trailer të ri për Destiny 2: Beyond Light dhe zbuloi se Destiny 2 bashkë me expansions e mëparshme do të jenë pjesë e Xbox Game Pass në shtator. Kurse expansion Beyond Light do të vij në Xbox One dhe Xbox Series X më 10 nëntor.
The Outer Worlds: Peril On Gorgon
The Outer Worlds: Peril On Gorgon do të jetë expansioni i parë për këtë lojë dhe do të jetë e vlefshme më 9 shtator.
Psychonauts 2
Microsoft zbuloi trailer-in e ri për Psychonauts 2 të zhvilluar nga Double Fine. Kësaj here protagonisti Raz rikthehet në një lojë të re duke udhëtuar përmes mendjeve. Loja pritet të vij gajtë 2021.
Crossfire X
Crossfire X do të vijë në Xbox Series X dhe PC nga Remedy Entertainment dhe Smilegate. Trailer-i na jep detaje mbi campaign i cili duket tepër tërheqës dhe me një shumëllojshmëri veshjesh për çdo rast. Loja pritet të vijë këtë vit.
The Gunk
The Gunk, nga krijuesit e Stemaworld, është një lojë action-adventure third-person ku ju do të eksploroni dhe do të pastroni një planet të mistershëm dhe ku do të ndesheni me shumë pengesa. The Gunk do të vij për Xbox One, Xbox Series X dhe PC. Data e lançimit nuk është bërë akoma e ditur.
The Medium
The Medium është një lojë psikologjike horror nga Bloober Team, studioja pas Blair Witch. Kjo lojë iu mundëson të eksploroni një botë fizike dhe një shpirtërore në të njëjtën kohë si protagonistja Marianne. Loja nuk ka një datë lançimi por do të vijë për Xbox one, Xbox Series X dhe PC.
Warhammer 40,000: Darktide
Warhammer 40,000: Darktide vjen nga krijuesit e Vermintide dhe do të vij në Xbox Series X dhe PC në vitin 2021. Në trailer tregohet disa ushtarë të cilët kanë hyrë në Eterna prime dhe ku përballen me një numër të madh zombie dhe krijesa të tjera të ngjashme.
New Genesis: Phantasy Star Online 2
New Genesis: Phantasy Star Online 2 do të sjellë kësaj here një botë më të madhe, kërcënime të reja dhe shumë lëvizje të reja gati për aksion. Loja do të vij për Xbox One, Xbox Series X dhe PC në vitin 2021.
Për të gjithë ata që do të kenë Xbox Game Pass do të kenë mundësi ti luajnë të gjitha këto lojëra dhe mbi 100 lojëra me Xbox Series X.
