Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Grand Theft Auto V tashmë është bërë një tjetër vend ku zhvillohet konflikti mes Hong Kong-ut dhe Kinës. Disa rroba të reja kanë bërë që lojtarët të risjellin kaosin e protestave të Hong Kong në Los Santos.
Falë disa sendeve të reja të shtuara në update-in e fundit të GTA V, Diamond Casino Heist, lojtarët kanë adaptuar sjelljen tipike protestuese dhe kanë filluar të shkaktojnë përçarje brenda lojës. Të organizuar përmes LIHKG, një forum në Hong Kong i ngjashëm me Reddit, klane të ndryshme protestuesish kanë vënë kapelet e verdha dhe maskat e gazit, shenja tipike të protestuesve realë, dhe kanë bërë një rrëmujë kudo që ju është dukur e përshtatshme.
Veshja e quajtur ‘Glory to Hong Kong’ po blihet nga një numër masiv i turmës së ‘Stand With Hong Kong’, që kanë trazuar gjërat në Grand Theft Auto, duke shkatërruar stacionat e trenit dhe duke hedhur bombola gazi në automjetet e policisë. E gjitha kjo për të reflektuar përçarjen sociale në protestat e Hong Kong dhe konfliktin e lindur mes shtetit dhe qytetarëve.
Loja e Rockstar është vetëm një nga shembujt më të fundit e përfshirjes së situatës së Hong Kong në industrinë e lojërave. Ky problem u bë masivisht i ditur mes gamers kur Blizzard vendosi të bënte ban një lojtar pro të Hearthstone, fitues të një turnamenti, në një livestream, vetëm sepse ngriti zërin për të drejtat e Hong Kong.
Ky ban solli një kundërvënie ndaj Blizzard si nga fansat, por edhe nga vetë stafi i tij, që pak ditë më vonë organizoi një marshim brenda kompanisë. Me kalimin e kohës Blizzard e tërhoqi ndëshkimin në një pezullim gjashtë mujor. Imazhi i Blizzard është ende i dëmtuar nga kjo situatë.
