Harta e plotë e GTA 6 bëhet leak dhe është masive

Kanë kaluar shtatë vite që kur Grand Theft Auto 5 u lançua dhe Rockstar akoma nuk ka konfirmuar hyrjen e rradhës në serinë e lojërave të GTA. Gjithsesi, duket se harta e GTA 6 është bërë leak dhe deri më tani kjo është pamja më e detajuar e lojës që kemi parë ndonjëherë.

Jemi në dijeni të faktit që Rockstar po merr kohën që i duhet me lançimin e tij të ardhshëm. Pas lançimit të Red Dead Redemption në 2018n, seria e ardhshme e GTA mund të ndodhet vite larg. Gjithsesi, kjo nuk i ka ndaluar leakers të bëjnë punën e tyre.

Një sërë leaks të mëparëshëm na kanë treguar vendndodhjen për GTA 6, por tani mund të kemi parë zyrtarisht pamjen e plotë të hartës së lojës. Është paksa për të qeshur në fakt pasi ky leak u postua fillimisht rreth 2018s.

Një adresë rastësore në Twitter me vetëm një postim është lënë pasive që kur këto imazhe janë postuar online. Postimi fillestar nuk u mor fort seriozisht, pasi nuk ka asnjë mënyrë për t’i vërtetuar këto gjëra. Gjithsesi, ky version i GTA 6 ka rimarrë vëmendjen me plot detaje të reja.

Një imazh i ri i këtij ishulli doli në 9 tetor. Pamja e re e detajuar duket të përkojë në mënyrë perfekte me pjesën e leak-ut origjinal nga 2018. Çdo detaj kyç, që nga liqeni në mes, e deri te forma dhe përmasa e saj, janë të njejta.

Sipas postimit origjinal, ky ishull që shohim në imazhin më poshtë është vetëm një pjesë e një harte edhe më të madhe. GTA 6 përflitet të ketë një version më të zgjeruar të Vice City bashkë me plot zona të reja për të eksploruar.

Kjo nuk është as hera e parë që një loje open-world të Rockstar i bëhet leak harta. Ekzaktësisht e njejta gjë ndodhi edhe me Red Dead Redemption 2 përpara lançimit të tij.

Ende pa asnjë konfirmim zyrtar nga zhvilluesit, nuk ja vlen të mbajmë frymën kot për ndonjë lloj konfirmimi në të ardhmen e afërt. Gjithsesi, ku i dihet ndoshta pjesë të tjera të hartës mund të bëhen leak së shpejti. Ne do ju mbajmë të informuar në çdo rast.