‘Harta e re’ e Ninja në Fortnite po ndërtohet në Creative Mode

Në fakt kjo hartë nuk është fare një hartë

“Harta e re” që streameri i Fortnite, Ninja ju referua në një transmetim mbrëmë nuk është fare një hartë e re. Në komentet e Ninja, Samsung US sqaroi se eventi i cili Ninja po reklamonte do të zhvillohej brenda creative mode të lojës.

Ky event ka për qëllim kryesor të reklamojë telefonat e rinj Galaxy S10. Në të do të gjenden Fortnite, Ninja dhe krahas tyre edhe grupi i zhanrës kpop, iKON. Siç njoftoi edhe nga stream-i i tij, ai tha se do të luante “në një hartë të re të ndërtuar posaçërisht për këtë event.”

Sigurisht që ky nuk klasifikohej si një njoftim mbi një hartë të re në Fortnite. Samsung US e sqaroi mbrëmë që eventi do të sjellë një Creative Island të ri e jo një vendndodhje të tërë.

Kjo nuk vjen si surprizë sigurisht, sepse vetë Epic ka njoftuar se një hartë e re nuk është prioriteti i tyre, plus sapo është publikuar edhe harta e sezonit të tetë. Vetë ndryshimet që kanë ndodhur në mjediset e lojës kanë qenë masive dhe në fakt askujt nuk është se i duhet një vend i ri për të luajtur.

Në një intervistë para një viti, kreu i dizajnit, Eric Williamson tha se koncepti i më shumë hartave battle royale është diskutuar, por fokusi kryesor i skuadrës mbetet që të përmirësojnë vazhdimisht atë që kanë. “Nuk ka ndonjë emergjencë për të krijuar një hartë të re për momentin, ndaj nuk është një prioritet.”

Williamson tha se është më e rëndësishme të vazhdojmë me evoluimin dhe përpunimin e hartës së tanishme dhe në fakt kjo është diçka që kemi kohë që e shohim, përfshirë këtu edhe ndryshimet e fundit të bëra në sezonin e tetë.