Glitch-i i Apex Legends i lejon lojtarët të dalin nga harta

Glitch-i i jep mundësinë lojtarëve të qëndrojnë jashtë hartës për sa kohë të duan

Një tjetër glitch është zbuluar në Apex Legends, i cili i jep mundësinë lojtarëve të arrijnë në zona të palejuara të hartës e më pas të qëndrojnë aty.

Ende nuk është e qartë se kush e ka zbuluar atë, por lojtari i NRG Esports, Dizzy, e demonstroi glitch-in gjatë një livestream-i të kohëve të fundit.

Siç dihet, Kings Canyon ka kufinj natyral të cilët i drejtojnë lojtarët. Për shëmbull, kufinjtë e hartës kanë shkëmbinj të thepisur nga të cilët në qoftë se bie, vdes. Në pjesën e brendshme të hartës ka male, ndërtesa të larta e shumë më shumë, të cilat krijojnë kufinj natyralë, duke përfshirë dhe kufinj vertikalë. Në qoftë se një lojtar i kalon këto kufinj, atyre ju vjen një mesazh paralajmërues i cili i kërkon atyre të kthehen “brenda kufinjve” brenda një kohe të caktuar ose përndryshe ata do të vriten.

Këtu futet në lojë ky glitch. Siç mund të shikoni në videon e mëposhtme nga stream-i i Dizzy, lojtarët kanë gjetur mënyra për të qëndruar jashtë kufinjve për më shumë seç duhet e gjatë proçesit janë bërë të paprekshëm.

Sigurisht, ky glitch i cili bazohet tërësisht mbi bunny hops krijon probleme shumë të mëdha në lojë e me shumë mundësi do të rregullohet shumë shpejt. Për më tepër, është nga ato glitch-e të cilat mund të sjellë dëbimin e lojtarëve të cilët e shfrytëzojnë.

Apex Legends është falas në Playstation 4, Xbox One dhe PC.