Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ju tashmë mund ta testoni lojën në demo
Imagjinoni Mirror’s Edge por ju jeni Genji nga Overwatch dhe po arratiseni (ose mbase po futeni) në një burg në një botë cyberpunk. Kjo është Ghostrunner.
Ju vraponi në tokë, në mure, rrëshqini, ngjiteni, kërceni dhe shumë më shumë. Kur përballeni me armiqtë, ju përdorni shpatën tuaj për t’i ndarë mëdysh. Por, të arrish tek kundërshtarët është e vështirë. Ata gjuajnë shpejtë dhe saktë dhe një plumb i vret të gjithë. Për këtë arsye, Ghostrunner nuk është një lojë e fokusuar tek luftimet dhe rasja e kundërshtarëve, por tek shmangia. Është një lojë rreth mësimit nga gabimet në një nivel derisa arrin ta përfundosh të gjithin njëherësh.
E gjithë loja fokusohet tek aftësia jote për të bërë dash. Kur bën dash, ti lëviz shpejt një distancë të shkurtër përpara por edhe ngadalëson kohën për sa kohë e mban butonin shtypur. Nëpërmjet kësaj ti mund të shmangësh plumba. Ti ngadalëson kohën ndërkohë që je në ajër, i shmangesh një plumbi dhe afrohesh tek kundërshtari që ta vrasësh atë me shpatë.
Duket fantastike apo jo? Dhe është e tillë. Të bashkosh lëvizje të ndryshme për të marrë vrasje është mjaft fiksuese. Loja të bën që ta kërkosh gjatë gjithë kohës perfeksionin dhe qëndrimi në vend duket si një ndalim i plotë. Jo për gjë, por nëse ndalon, me shumë mundësi do të vdesësh.
Edhe kur vdes, nuk prishet ritmi i lojës, gjë që është shumë e rëndësishme në këtë zhanër. Sapo shtyp restart, ti kthehesh në fillim të dhomës ku ishe, jo në fillim të nivelit ose të lojës. Ju vetëm humbisni disa momente.
Kjo nuk do të thotë se Ghostrunner është një lojë e lehtë. Do t’ju duhet të luani disa herë për të kaluar disa zona të veçanta, sidomos kur ka disa kundërshtarë që të sulmojnë njëherësh. Loja do të jetë tensionuese në disa momente dhe padyshim që do të acaroheni kur të vriteni afër fundit. Por, kjo është ajo që e bën lojën më argëtuese dhe fundin më të ëmbël, me lojën që ngadalësohet kur ti vret kundërshtarin dhe një mesazh që thotë se zona u përfundua.
Kjo qasje është fantastike dhe studioja polake One More Level ka bërë një punë shumë të mirë. Ata nuk kanë sjellë shumë aftësi të çmendura prej ninja por janë fokusuar tek disa lëvizje kryesore, zgjidhja e puzzles dhe shpejtësia. Për këtë arsye, loja sjell një eksperiencë më të mirë.
Ende nuk dimë se çfarë do të ndodhë më vonë. Demoja zgjat rreth 1 orë e gjysmë dhe shërben si tutorial, duke të treguar gradualisht aftësitë përpara se të të japi mundësi të kalosh disa nivele të plota. Këtu ajo mbaron. Mënyra se si kjo gjë ndodh të bën të mendosh se ky është vetëm fillimi, si në aspektin e historisë, por edhe të aftësive që ju do të keni. Padyshim që mënyra se si historia e lojës do të zhvillohet do të jetë e rëndësishme kur ajo të vijë në PC, PS4 dhe Xbox One më vonë këtë vit, por tani për tani duhet të kënaqemi me demon e Ghostrunner në Steam.
