Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sot Sony njoftoi datën e lançimit të Ghost of Tsushima përmes një traileri të ri për lojën. Ajo do të vijë për PlayStation 4 në 26 qershor. Më parë ishte thënë se loja do të lançohej përgjatë verës, përpara se Sucker Punch Productions, studioja përgjegjëse për zhvillim e lojës, ngushtoi rrethin e mundësive.
Traileri i lojës fokusohej në protagonistin e saj, Jin Sakai dhe disa nga personazhet e tjerë suportues që do të mund të gjenden në lojë. Andrew Goldfarb, menaxheri i komunikimeve në Sucker Punch, ofroi informacion të mëtejshëm për disa prej këtyre dhe për lidhjen që ata kanë me Jin.
“I pasi është xhaxhai i Jin, Shimura, zoti i Tsushima dhe një figurë atësore për Jin. Ai e ka stërvitur atë që kur ka qenë fëmijë, në mënyra tradicionale të një samurai. Ai shqetësohet gjithmonë e më shumë me taktikat që Jin fillon të adaptojë teksa braktis mësimet e tij dhe bëhet The Ghost. Personazhi i dytë i rëndësishëm që duam të theksojmë është Khotun Kan. Khan është lideri i ushtrisë pushtuese Mongole dhe një armik i pamëshirshëm që përdor çdo gjë që di për samurain, që ta shkatërrojë atë. Ai është brutal dhe Jin mëson shumë shpejt se nuk duhet ta nënvlerësojë.”
Bashkë me këtë trailer dhe datë lançimi, u njoftuan edhe disa edicione të veçanta të Ghost of Tsushima. Ka një variant dixhital që do të jetë i disponueshëm në PlayStation Store dhe një version Digital Deluxe për $69.99 që vjen me një set skini të Hero of Tsushima. Përveç versionve dixhitale, ka edhe dy fizike.
Pastaj kemi edhe Collector’s Edition i cili kushton $169.99. Ai vjen me një kopje të maskës, një sashimono (flamur lufte), një furoshiki (copë mbështjellëse), një SteelBook, një mini libër artistik dhe harta e lojës e printuar në një copë.
Ghost of Tsushima do të lançohet për PlayStation 4 në 26 qershor.
