Gërmimet misterioze në Fortnite duket se po mbushen me llavë

Po sikur të kemi një Lava Lake?

Siç duket, të gjithë zonat e gërmimit në Dusty Divot kanë përfunduar dhe i gjithë vendi po mbushet me llavë. Sa vjen e duket më e mundur se zërat e mëparshëm ishin të saktë: aktiviteti vullkanik do të tundë hartën e Fortnite në një mënyrë ose një tjetër.

Sezonin e kaluar, lojtarët e Fortnite punuan së bashku për të shkatërruar një ajzberg me qëllim që të zbulonin diçka të panjohur për ta. Ajo çfarë ata gjetën ishte një bunker, qëllimi i të cilit ende nuk dihet. Megjithatëm lojtarët kanë marrë sërish kazmat e tyre për t’u përballur me një tjetër zonë gërmimi pranë shkretëtirës.

Ditën e djeshme, lojtarët zbuluan disa zona të gërrmueshme në brëndësi të Dusty Divot, në veri-perëndim të Paradise Palms. Zonat kanë me miliona pikë jete dhe mund të dëmtohen vetëm me kazma, por në mënyrë të ngjashme me ajsbergun, dëmi që ata i shkaktojnë çdo guri ruhet në çdo lojë të Fortnite. Si rezultat, lojtarët arritën të mbaronin shpejt punë me gurët, dhe çdo gur i gërmuar na zbulonte diçka të re. Deri më tani, janë zbuluar disa kocka, një kamion, chest-e dhe së fundmi edhe një Volcano Vent.

Ende nuk është e qartë se çfarë do të ndodhë me këto zona, por duke parë se gërmimet e mëparshme u shtuan, është thuajse e sigurt se Epic Games ka diçka në mendje. Dukej se ajsbergu ishte vetëm një provë për një event të tillë universal, dhe prezenca e vullkanit dhe llavës janë provë e kësaj teorie. Dataminers kanë arritur të gjejnë të dhëna për një event shpërthyes disa herë deri më tani e një LTM e re e quajtur “Floor is Lava” është bërë pjesë e lojës. Disa lojtarë mendojnë se llava që ka mbushur gropat, e cila ka ardhur nga vullkani, do të ngrijë e duhet të gërmohet sërish, duke i bërë lojtarët të mundohen sërish për të zbuluar më shumë. Na pritet vetëm të presim për të parë se ç’do të ndodhë.