Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pak horror s’do ti bënte dëm Fortnite.
Siç shumë lojtarë mund ta kenë vënë re, Fortnite është mjaft i rrahur me crossovers që sjellin tematika, aktivitete dhe skine të reja në lojë. Fansat sigurisht e kanë një lloj ideje se çfarë duan që të shohin në të ardhmen në lojë dhe nuk ishte në hamendësimet e askujt që It i Stephen King do të ishte në listë, por duket se ky crossover i çuditshëm mund realisht të ndodhë.
Lojtarët në Fortnite duhet të përgatiten për pak horror nëse këto informacione rezultojnë të sakta. Teksa ishte duke kërkuar në build-in e fundit të lojës, një leaker u përball me një file që përmbante një tullumbac mjaft të ngjashëm me shenjën dalluese të Pennywise. Sado që tullumbaci në imazh nuk është në ngjyrën e kuqe të përgjaktë që jemi mësuar të shohim në filma dhe libra, emri i objektit është “CreepyBalloon“, ndaj kjo duhet të jetë ndonjë lloj reference.
Nëse ende nuk e keni kuptuar se për çfarë po flasim, shkoni shikoni It dhe pastaj hajdeni lexoni artikullin prapë.
Një tjetër dataminer gjeti një tjetër file që mund të ketë lidhje me situatën. Ajo quhet “Illinois Laugh” dhe është një klip zanor i disa të qeshurave mjaft shqetësuese, që duhet ta pranojmë tingëllojnë mjaft familjare.
Një crossover me It nuk do të ishte ide shumë e çuditshme po të marrësh parasysh se Fortnite së fundmi kishte një të tillë me Stranger Things, por prapëseprapë në fund të ditës këto file mund të jenë edhe pjesë e ndonjë kontenti tjetër në të ardhmen e Fortnite.
It: Chapter 2 do të lançohet javën e ardhshme në datë 6 shtator, ndaj nëse një crossover do të ndodhë, mund të presim që ta shohim në lojë brenda kësaj periudhe kohore. Deri atëherë lojtarët mund të shijojnë ardhjen e Pandora nga Borderlands si Rift Zone-in e ri të Fortnite.
