Fortnite është shumë sporadike për të qenë një esport i suksesshëm

Bashkë themeluesi i disa prej organizatave esports më të mëdha në Europë mendon se skena kompetitive e Fortnite është e vështirë për t’u naviguar pasi është shumë e “paqëndrueshme dhe e turbullt.”

Nico Maurer, CEO i Team Vitality, parashikon disa skuadra dhe lojtarë shumë të suksesshëm në esports si: Rocket League, FIFA, CS:GO dhe League of Legends. Vitality ka një numër të vogël të lojtarëve të Fortnite përgjatë Europës, disa prej të cilëve ishin edhe në Fortnite World Cup këtë verë. Gjithsesi, Maurer beson se ky battle royale është i vështirë të mbahet për organizatën, prej një numri të caktuar faktorësh.

“Sistemi kompetitiv në Fortnite është shumë i paqëndrueshëm, i turbullt dhe i komplikuar për të punuar. Momentalisht Fortnite është shumë sporadike dhe ajo që ti percepton si talenti kryesor mund të ndryshojë. Mënyra se si lojtarët stërviten nuk është e formalizuar dhe është jo profesionale në shumë mënyra. E dua Fortnite si lojë… por i duhet të gjejë një strukturë të mirë kompetitive dhe unë jam akoma duke e pritur.”

Sado që ka plot para që fitohen çdo javë nga lojtarët e Fortnite nëpër turnamente, të gjitha Challenger Series bëhen online; edhe finalet. Vetëm një pjesë e vogël e turnamenteve të Fortnite janë mbajtur offline përpara kamerave dhe audiencave, si Fall Skirmish ose World Cup.

Sado që numri i shumtë i turnamenteve online në Fortnite i jep lojtarëve plot mundësi të stërviten dhe të fitojnë para, nuk i jep mundësi audiencës që të ketë një event ku mund të shikojë dhe të ndërveprojë me atë që po ndodh. Gjithashtu vault-et e vazhdueshme dhe mekanikat e reja që ndërrohen vazhdimisht, nuk ndihmojnë në ruajtjen e konsistencës së lojës.

Pavarësisht pakënaqësive të Maurer me Fortnite në skenën e esports, Vitality prapë ka dhjetë lojtarë të Fortnite si pjesë e tyre, një numër ky më i madh se çdo esports tjetër ku ata janë përfshirë. Pse?

Siç dhe Maurer shpjegon, organizatat e esports mund të kenë përfitime nga të paturit e lojtarëve të Fortnite mes tyre, edhe nëse këto benefite nuk vijnë nga suksesi i esports.

“Për ne, Fortnite është diçka e madhe për influencim dhe marketing. Une e dua Fortnite si lojë dhe ajo që bën për brandin tonë si fenomen kulturor është masive.”

Suksesi i Fortnite në streaming, e bën atë fitimprurëse dhe të mirë për ekspozim nëse lojtarët janë duke bërë video rreth saj. Javën e shkuar, statistikat nga Luminosity Gaming treguan se 65% e të ardhurave të tyre në 2018 erdhi nga streaming dhe jo nga esports.

Ndaj, sado që Fortnite nuk ka strukturën e esports që kanë League of Legends ose CS:GO, është prapë diçka që skuadrat e esports do të kenë fitim po të përfshihen. Nëse në 2020ën do të shohim ndryshime nga Epic në skenën kompetitive të Fortnite mbetet ta shohim, por edhe nëse jo, Fortnite prapë do të mbetet një fenomen.