Far Cry 6 do të vijë në shkurt të 2021, sipas një leaku në PlayStation

Duket se Ubisoft do të njoftojë Far Cry 6 këtë fundjavë në eventin e Ubisoft Forward. Ekzistenca e lojës dhe disa detaje të tjera rreth saj janë zbuluar në një faqe në PlayStation Store. Duket se ato erdhën live aksidentalisht dhe pastaj u fshinë, por të gjithë e dimë se asgjë nuk zhduket plotësisht në internet.

Far Cry 6 do të na dërgojë në parajsën tropikale të Yara për të luftuar kundër një diktatori brutal dhe birit të tij. Lajmi i mirë është se do të kemi kafshë si miq sërish. Sipas faqes ku u zbulua ky leak, loja do të publikohet në 18 shkurt të 2021.

Faqja e Far Cry 6 u shfaq në PlayStation Store të Hong Kong pak më parë sot. Fatmirësisht ju mund të shikoni një version të arkivuar të saj këtu.

Ubisoft me shumë mundësi do të zbulojë më shumë rreth lojës në Ubisoft Forward të dielën. Për fatin e keq të kompanisë kjo nuk është e vetmja gjë që është bërë leak. Dikush zbuloi edhe video gameplay të Assassin’s Creed Valhalla. Më poshtë mund të shikoni box art-in e Far Cry 6 që u zbulua nga Hong Kong PS Store: