Lojtarët e Fallout 76 gjithashtu po mbledhin letër higjenike

Mungesa e letrës higjenike gjithashtu ka prekur videolojërat

Një prej efekteve anësore më të çuditshme të pandemisë së COVID-19 është fakti se njerëzit po blejnë shumë letër higjenike për shkak të panikut. Edhe pse mundësitë që letra higjenike të mbarojë në botë janë shumë të pakta, duket se lojtarët që po jetojnë në një version imagjinar të Shteteve të Bashkuara të Amerikës po e përdorin këtë si një mundësi për të krijuar një parodi të blerjeve në jetën e vërtetë.

Si shumë lojëra të Bethesda, Fallout 76 është plot me mbeturina që ju mund t’i mblidhni ose t’i përdorni për të riparuar dhe për të krijuar sende të reja. Padyshim që disa mbeturina janë shumë më të vlefshme se disa të tjera, por përpara 2020 nuk kishte asnjë arsye që letra higjenike të ishte e rrallë ose e shtrenjtë.

Megjithatë, tani lojtarët po mbledhin çmendurisht çdo letër higjenike që po gjejnë, ose po i ngrenë asaj shumë çmimin në dyqane. Duket fare qartë që është thjeshtë një shaka, por është diçka e cila ka shumë efekt në ekonominë e lojës, duke qënë se shumë njerëz po fillojnë të ngrenë çmimet ose të mbledhin çdo rul letre që gjejnë. Madje, disa po i mbajnë ato si trofe në kampet e tyre.

Të paktën në Fallout 76 është e sigurt që letra higjenike nuk mund të mbarojë kurrë, pasi ajo vazhdon të gjenerohet. Plus, në lojë në fakt ndonjëherë është më mirë të sëmuresh, me disa lojtarë që po mundohen shumë për ta arritur këtë gjë