Fallout 76 do të shtojë një tjetër hartë battle royale

Mirëseerdhët në Morgantown.

Lojtarët e Fallout 76 që kanë qenë duke luftuar për titullin e Overseer në battle royale-in Nuclear Winter, do të kenë mundësinë të luajnë në një hartë të re së shpejti. Patch 13 do të shtojë Morgantown në Nuclear Winter.

Bethesda e njoftoi këtë të premten. Këtu lojtarët do e gjejnë veten në një sfond urban bashkë me lojtarë të tjerë dhe rreziqe që do të vijnë nga burime të tjera. Për momentin nuk është ende e qartë nëse lojtarët do të zgjedhin mes dy hartave apo jo.

Lajmi për ardhjen e hartës Morgantown në Nuclear Winter të Fallout 76 qarkulloi fillimisht në QuakeCon, kur Bethesda tha se harta do të vinte në një pikë të dytë për lojën. Në një postim të djeshëm pastaj, u konfirmua se harta do të vijë me Patch 13.

Ky patch ende nuk ka një datë lançimi, ndaj ende nuk dihet konkretisht se kur do të vijë harta në lojë, por të paktën e dimë se si do të jetë të luftuarit në Morgantown. Harta do të shtrohet në një sfond urbanme ndërtesa dhe pengesa të tjera për të naviguar. Maja të thepisura dhe një pellg i madh me ujë gjithashtu do të gjenden në hartë për ti ndihmuar lojtarët të qarkullojnë më kollaj. Këtu lojtarët do të hasin edhe kërcënime të jashtme krahas lojtarëve që do të gjenden në hartë me ta.

Morgantown do të vijë në Patch 13 të Fallout 76, ndaj mbajini sytë hapur për update-et e ardhshme të lojës. Aty do të mund të shihni më shumë detaje rreth hartës dhe përgjithësisht rreth mënyrës se si gjërat do të funksionojnë.