Epic heq BRUTE Mech nga Fortnite për shkak të një tjetër problemi

Komuniteti po feston sërish tani

Epic ka hequr përkohësisht B.R.U.T.E. mechs nga të gjitha playlist-et e Fortnite, kompetitiv dhe casual, për herë të dytë këtë sezon.

Mechs kanë marrë shumë kritika dhe urrejtje nga lojtarët sepse janë shumë të fortë dhe ndryshojnë disa mekanika thelbësore të lojës. Duke qënë se ata kanë shumë jetë dhe damage, makineria të gjuan fort dhe është njëkohësisht shumë e vështirë për t’u shkatërruar, pavarësisht se është bërë nerf disa herë nga Epic.

Këtë rradhë, Epic nuk ka zbuluar nëse arsyeja e heqjes së tyre është për shkak të një tjetër bug-u. Pavarësisht kësaj, lojtarët profesionistë por edhe ata që e luajnë Fortnite për qef janë të lumtur që B.R.U.T.E. nuk janë më pjesë e lojës, edhe pse kjo është e përkohshme.

Mechs u hoqën nga loja herën e fundit për shkak të një bug-u shumë problematik me air stomp, i cili bënte që lojtarët të merrnin më shumë damage nga makineria. Ky bug ndodhte kur një lojtar ishte dëmtuar nga mech përpara një periudhe kohe të caktuar. Kur B.R.U.T.E. tentonte një tjetër air stomp, ai do të shkaktonte të njëjtin dëm si herën e parë me air stomp, edhe sikur lojtari të ishte jashtë rrezes së goditjes.

Epic duket se insiston që ti mbajë mechs në lojë, prandaj me shumë mundësi B.R.U.T.E. do të rikthehen për të terrorizuar ishullin sërish herët ose vonë. Për të mirën e komunitetit të lojës, le të shpresojmë që do të jetë vonë